AQSH vıse-prezıdenti Maık Pens osy senbide «Karl Vınson» soǵys kemesi bastaǵan AQSH-tyq BMC shabýyl toby Japon teńizinde sáýir aıynyń aıaǵyna deıin bolatyndyǵyn aıtty dep habarlaıdy Qamshy aqparattyq agenttigi BBC news basylymyna silteme jasap.
Bul týraly ol óziniń Azıaǵa jasaǵan sapary barysynda Aýstralıada ótken pres-konferensıada málimdedi. KHDR-nyń ıadrolyq jáne raketalyq baǵdarlamasy Penstiń osy elderdiń memleket basshylarymen jasaǵan kelissózderiniń eń negizgi taqyrybyna aınalǵan bolatyn.
Penstiń aıtýynsha, Beıjińmen qarym-qatynastyń jaqsarýy Koreı túbegindegi denýkleıarızasıany (ıadrolyq qarýdy taratpaý) beıbit jolmen júzege asyrýǵa múmkindik beredi.
Sońǵy kezde KHDR men AQSH arasynda jaǵdaı qatty ýshyǵyp ketken bolatyn. Soltústik Koreıa AQSH-tyń qandaı da bir shabýyly bola qalsa, ıadrolyq qarýmen jaýap beretinin eskertedi. Al Tramp bul máseleni mindetti túrde sheshetinin aıtty.
11sáýir kúni Donald Tramp Fox telekanalyna bergen suhbatynda Koreı túbegine «eń joıqyn soǵys armadasy» baǵyt alatyny jaıynda habarlaǵan bolatyn.
Onyń Soltústik Koreıaǵa aldyn-alý soqqysyn jasaýǵa daıyndalyp jatqandyǵy týraly sózi Shyǵys Azıany dúr silkindirdi. 19 sáýirdegi aqparǵa súıensek, kemeler soltústikke, Japon teńizine emes basqa baǵytqa, ıaǵnı Avstralıaǵa, solardyń áskerı kúshterimen belgilengen oqý-jattyǵý jıynyn ótkizýge attanǵan.
Kelesi kúni Aq úı men Pentagon ókilderi Tramp sóziniń durystyǵyn jáne «Karl Vınson» saparynyń aldymen Aýstralıaǵa sosyn Koreı túbegine bet alatyndyǵyn rastady.