21-sáýir, Almaty qalasynda jalpy bilim beretin oqý oryndary oqýshylarynyń arasynda Aýdandyq «Tuma jyrdyń tumbasy» taqyrybynda Tumanbaı Moldaǵalıevke arnalǵan jyr músháırasy ótti.
İs-sharaǵa 10 mektep atsalysyp, jalpy sany 26 qatysýshyny quraǵan doda tartysty ótti.

Ataýly baıqaý eki kezeńnen ótkizilip, birinshi kezeń «Júregimniń sózi» dep atalyp aqynnyń jyrlaryn mánerlep oqý bolyp tabylsa, ekinshi kezeńde «Tuma jyrdyń tumbasy Tumanbaı-dy» taqyrybymen erekshelenip, qatysýshylar aqynǵa degen ózderiniń júrek jardy óleńderin tyńdaýshylar nazaryna usyndy.

Tumanbaı Moldaǵalıevtiń ómirlik jary - Kúltaı Qasymova hanym da bul merekege beıjaı qaramaı, baıqaýǵa tórelik etip, shyn júırikti anyqtaýǵa atsalysyp, jas aqyndarǵa sáttilik tiledi.
Jalpy bilim beretin №40 mektep uıymdastyrǵan músháırany Halyq bank ta qoldady. Halyq bank dodaǵa qatysqan árbir qatysýshyny syılyqtarmen qamtamasyz etip, sondaı-aq baıqaýda múshelik etken jalpy bilim beretin mektepter №63, №81, №92, №93, №62, №137, №146, №191, №190 jáne №40 mektep kitaphanasyna Tumanbaı Moldaǵalıevtiń 24 tomdyq shyǵarmalar jınaǵyn syıǵa tartty.
Aıta keteıik, Halyq bank bir jyldyqtyń kóleminde Tumanbaı Moldaǵalıevtiń 24 tomdyq shyǵarmalar jınaǵy jaryq kórýine qoldaý kórsetken bolatyn.