Baqytjan Saǵyntaev San-Fransıskodaǵy Microsoft keńsesine bardy

    Zhazira Baidaly
    Baqytjan Saǵyntaev San-Fransıskodaǵy Microsoft keńsesine bardy

    Qazaqstan Respýblıkasynyń  Premer-mınıstri B.Saǵyntaev AQSH-qa jasaǵan qyzmet sapary aıasynda San-Fransıskodaǵy Microsoft keńsesine taban tirep, kompanıanyń korporatıvtik vıse-prezıdenti D.Levınmen (Dan’l Lewin) kezdesti. Kezdesý barysynda Microsoft bas keńsesiniń qyzmetkerleri kompanıanyń jańa tehnologıalaryn kórsetip, Qazaqstan Úkimetiniń ókilderimen eldiń bilim berý mekemelerine baǵdarlamalyq sheshimderin engizý máselesin ortaǵa saldy.

    Áńgime, eń aldymen, 2017 jyldyń aqpanynda qolǵa alýǵa qabyldanǵan Digital Kazakhstan*** (Sıfrlik Qazaqstan) strategıalyq bastamasy aınalasynda órbidi. Bul bastama aqparattyq tehnologıalardyń kómegimen aýyldyq jáne qalalyq mektepterdegi bilim berý deńgeıiniń qashyqtyǵyn qysqartýǵa baǵyttalǵan, sondaı-aq sıfrlik ekojúıeni údemeli damytý arqyly qazaqstandyq ekonomıkanyń básekege qabilettiligin arttyrýdy maqsat etedi.

    Microsoft kompanıasy Qazaqstan ókilderine eldiń aýyldyq mektepterine arnalǵan  ulttyq jobany  Qazaqstanda júzege asyrý úshin joǵary qabilettiligin, sarapshylyq bilimin jáne paıdalanymyn (baǵdarlamalyq, kontenttik, bilim berýshilik) pash etti. Osylaısha, máselen, taraptar Bilim Book arnaıy kompúterlik quralyn baǵdarlamalyq qamtýdy jabdyqtandyrýdyń múmkindigin qarastyryp jatyr, ony QR shaǵyntolymdy mektepterine engizý josparlanýda.

    Microsoft óz aldyna jas býynmen jumys jasaýdy basymdyq etip belgilep otyr. Qazaqstanda Microsoft-tyń AT-bastamalary qazirdiń ózinde keńinen tanymal bolýda, olardyń maqsaty – stýdentter men mektep oqýshylaryna tehnıkalyq jáne kásibı daǵdylardy ıgertip, damytý. Osylaısha, 2016 j. jeltoqsanynda Qazaqstanda YourthSpark Live jastar konferensıasy bolyp ótti, onyń qatysýshylary jemisti oqýǵa arnalǵan quraldar men baǵdarlamalaýdaǵy zamanaýı betalystar týraly bilimnen sýsyndady. Sondaı-aq, jeltoqsanda Microsoft kompanıasynyń muryndyq bolýymen Qazaqstandaǵy «Kod saǵaty» respýblıkalyq naýqany aıasynda mektepterde ınformatıka sabaqtary uıymdastyrylyp, ótkizildi. «Qazaqstandaǵy kod saǵaty» naýqany barysynda eki jylda baǵdarlamalaýmen 126 000 adam tanysty, olardyń basym bóligi – Respýblıkanyń 16 oblysyndaǵy 2500 mektepterdiń oqýshylary.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025