Elbasy teńgeleı beriletin nesıeni kóbeıtý qajettigin aıtty

    Nurgali Nurtay
    Elbasy teńgeleı beriletin nesıeni kóbeıtý qajettigin aıtty

     

     

    Qazaqstan Prezıdenti Eýrazıa damý banki basqarmasynyń tóraǵasy Dmıtrıı Pankındi qabyldady

    Kezdesý barysynda Memleket basshysyna banktiń qyzmeti, sondaı-aq onyń budan ári damý perspektıvalary men basymdyqtary týraly málimdeldi.

     

    Nursultan Nazarbaev Eýrazıa damý bankiniń qurylý maqsatyna, onyń aldynda turǵan búgingi mindetterge toqtalyp, ıntegrasıalyq jobalardy qarjylandyrýdyń mańyzdylyǵyn atap ótti.

    – Banktiń negizgi quryltaıshylary Qazaqstan men Reseı bolyp sanalady. Bank Eýrazıalyq ekonomıkalyq odaqtyń múddesi úshin quryldy. Jumystyń tańdalǵan baǵyty durys. Qazaqstan jaǵdaıynda nesıeni kóbine teńgemen berý múmkindigin qarastyrýdy usynamyn, – dedi Memleket basshysy.

    Sondaı-aq, Qazaqstan Prezıdenti Eýrazıalyq ekonomıkalyq odaqqa múshe memleketter bastamashylyq etken shaǵyn jobalarǵa nesıeni qosa qarjylandyrý shartymen berý máselesin qarastyrýdy usyndy.

    – Kólik-ınfraqurylym, sý jáne agrarlyq baǵyttaǵy ortaq jobalardy qosa qarjylandyrýǵa banktiń múmkindigi bar. Bul jobalar odaqqa múshe barlyq memleketter úshin jumys isteıtin bolady. Mundaı jobalar eń aldymen olardy usynatyn Eýrazıalyq ekonomıkalyq komısıanyń jumysyna baılanysty bolmaq, – dedi Nursultan Nazarbaev.

    D.Pankın Qazaqstan Prezıdentine jańa jobalar jónindegi sharttardyń jasalý barysy týraly, sondaı-aq banktiń nesıelik qorynyń ahýaly, onyń ótken jyl qorytyndysy boıynsha aıtarlyqtaı artqany jóninde baıandady.

    Qatysty Maqalalar