Taldyqorǵanda polısıa saýnaǵa qaraqshylyq shabýyl jasady degen kúdiktilerdi ustady, dep habarlaıdy Qamshy aqparattyq agenttigi Almaty oblysy ishki ister departamentiniń baspasóz qyzmetiniń málimetine súıenip.
Qylmys týraly habarlama polısıaǵa 24 sáýir kúni túngi saǵat on ekilerden keıin kelip tústi. Onda saýnaǵa medısınalyq betperde kıip taıaqpen qarýlanyp alǵan úsh beıtanys týraly habarlanǵan. Seıften aqshany tonaǵan qylmyskerler saýnada ákimshi bolyp jumys isteıtin 68 jasar áıeldi uryp soqqan.
“Jedel izdestirý sharalary barysynda Taldyqorǵan İİB qyzmetkerleri oblystyq UQKB jedel qyzmetkerleri qylmys jasady degen kúdikpen 25-32 jas aralyǵynda úsh adamdy anyqtap, ustady. Ustalǵandar tergeý ızolátoryna otyrǵyzyldy”, — dep habarlady polısıada. «Qaraqshylyq» boıynsha qylmystyq is qozǵalyp, Taldyqorǵan İİB óndirisine alyndy.