Mamyrdyń 1 juldyzy saǵ. 11:00 «Alataý» dástúrli óner teatrynyń kınozalynda 1 mamyr – Qazaqstan halyqtarynyń birligi merekesine oraı Almaty qalasy ákimdigi men Alataý aýdany bilim basqarmasynyń uıymdastyrýymen Ahat Ybyraevtyń «Ańyzdar kitaby: jumbaq orman» fılminiń qaıyrymdylyq kórsetilimi ótedi.
Sháken Aımanov atyndaǵy «Qazaqfılm» kınostýdıasynda túsirilgen fılmde aǵaıyndy Baha men Tahanyń ertegi ormanynda bastan keshken oqıǵalary kórinis tabady. Belgili kásipkerdiń uldarynyń ómiri kútpegen «tosynsyılar» men qıturqy áreketterge toly. Kásipker ákeniń jumysbastylyǵy, ógeı shesheniń qyryn qabaqtyǵy olardyń amazonkalar mekenine attanýyna sebep bolady. Maqsattary – amazonkalar paıshaıymynyń zulym kúshterge qarsy kúresine qolǵabys tıgizip, elge qorǵan bolý. Aqysyna qaıtys bolǵan analaryn tiriltip, ákeleriniń ózderine kóńil bólýin suramaq. Alaıda, ógeı sheshe de qol qýsyryp qarap otyrmaq emes...
«Syıqyrly sújetter» men tosyn oqıǵalarǵa toly kınokartınaǵa qazaq kóshpendileriniń ejelgi ańyz-ertegileri arqaý bolǵan. Sonymen qatar, Qazaqstanda alǵash ret fentezı janrynda túsirilgen fılmde kompúterlik grafıka men anımasıalar keńinen qoldanylǵan.
Qaıyrymdylyq kórsetilim áleýmettik jaǵdaıy tómen, múmkindigi shekteýli balalarǵa jáne balalar úıiniń tárbıelenýshilerine arnalyp qoıylady.
Anyqtama telefondary: 398-85-16; 8 707 838 36 34
