Mesenat Baýyrjan Ospanov qandaı salalardan jaqsy tabys tabýǵa bolatynyn aıtty dep habarlaıdy Qamshy aqparat agenttigi. Baýyrjan Keńesbekuly bıznes jańalyqtaryn taratatyn Atameken Business Channel" arnasyna bergen eksklúzıvti suhbatynda tabysty salalar týraly aıtqan.

Tilshiniń «tabysty salalar» týraly suraǵyna Ospanov: «Árıne ár salanyń óziniń paıdasy bar. Egerde aýyl sharýashylyǵyn jaqsy jolǵa qoıyp jumys isteıtin bolsa eń kóp tabysty sol jerden tabýǵa bolady. Ne bolmasa IT baǵyttarda isteıtinderde tabystar jaqsy bolady. Elektr energetıka da bolady. Ol mamandarǵa baılanysty», - dep jaýap berdi.

Ol «Qazaqstannyń bıznesin damytý úshin ne isteý kerektigi?» týrasynda «Árıne, biz damyp ketken memlekettermen ózimizdi salystyra almaımyz. Kóp zańdar, jeńildikter kerek. Qur jeńildik emes qalaq iske asyrýdyń mehanızmdary kerek. Onyń bári ýaqytynda istelýi kerek. Bekitilgen memlekettik baǵdarlamalar, sýbsıdıa berý máselesi túsinikti bolýy kerek. Aldyn ala belgili bolýy qajet. Aýyl sharýashylyǵy ma, mal ónimderi me, astyq ósiretin be sýbsıdıalar osynsha jylǵa dep aıtylýy tıis, soǵan baılanysty isteý kerek. Bir jobaǵa birneshe óndirister ashylady. Sol salaǵa baılanysty. Mysalǵa aıtaıyq, eń úlken másele bizde ǵoı. Halqymyzdyń jartysy aýyldy jerde turady. Soǵan shyǵarǵan baǵdarlamalar mal ónimderine me, sút ónimderi me, ne bolmasa astyqtarǵa sýbsıdıa qansha jylǵa berilgeni belgili bolýy kerek. Sol kezde soǵan kerek zattardy shyǵaratyn zaýyttar qoıýǵa, kerek tehnıkany ákelýge bolady. Sol arqyly jumys isteýge bolady. Qazir úkimet úlken qarajattar bólgenimen onyń bári shetelge ketip qalady. Óıtkeni kerekti tehnıka, tehnologıa bárin shetelden ákelesiz. Aqshanyń bári syrtqa ketip, munda tek eńbek etý qalady. Men bul durys emes dep oılaımyn. Básekege tura alamyz desek, álemdegi konkýrentterge qaraý kerek. Biz básekege tura alatyndaı sýbsıdıa bere alatyn bolsaq onda ony bastaýǵa bolady», - deıdi.

Aıta ketsek, Belgili qazaq kásipkeri, mesenat. "ZHERSU" ınvestısıalyq-óndiristik korporasıasynyń baqylaý keńesiniń tóraǵasy, Qazaqstan boks jáne kúres federasıalarynyń vıse-prezıdenti. Forbes Kazakhstan jýrnaly Baýyrjan Ospanovty 2014 jylǵy Qazaqstannyń 50 baı adamy tizimine kirgizdi. Ol tizimde 320 mıllıon dollarmen 32 orynǵa ornalasty.