Qostanaı oblysynyń arnaıy mamandandyrylǵan soty 41 jastaǵy er adamǵa qatysty sot sheshimin shyǵardy dep habarlaıdy Qamshy aqparattyq agenttigi Zakon.kz-ke silteme jasap.

Ógeı qyzyn zorlaǵan er adam QR QK 120 baby 3-shi bólimi boıynsha aıypty dep tabylyp, 14 jylǵa bas bostandyǵynan aıyryldy jáne japa shekken qyzǵa 1 mıllıon teńge kóleminde moraldyq shyǵyndy ótep berýi tıis. Er adam jazasyn qatań túzetý mekemesinde óteıdi.

Er adam Qostanaı oblysyndaǵy aýyldardyń birinde ógeı qyzymen jáne onyń anasymen bir shańyraq astynda turǵan.

2016 jyldyń 30-shy qazan aıynda 8-shi synyp oqýshysynyń anasy túngi kezekshilikte bolǵan. Osy jaǵdaıdy paıdalanǵan er adam aram pıǵylyn júzege asyrǵan.

2012 jyly da anasy azamattyq nekedegi kúıeýiniń sol kezdegi 9 jastaǵy qyzyn zorlap jatqan jerinen túsken. Er adam keshirim suraǵannan keıin áıel  ony keshirgen eken.

Er adamǵa qatysty sot sheshimi áli zańdy kúshine enbedi.