Ulybrıtanıanyń tis emhanasynda medbıke bolyp jumys istegen 22 jastaǵy Lınzı Kreıg Egıpettegi eńbek demalysyna shyqqan. Eńbek demalysynyń sońǵy kúnderinde júregi aınyp, ishi óte bastaǵan. Medbıke qyz jáne onyń jigiti Darren Rıd bul aýrýdy astan ýlaný dep sanaǵanymen, kún ótken saıyn qyzdyń jaǵdaıy kúrt nasharlaıdy. Dárigerlerdiń kómegine júgingende, bala kúninde qaterli isikpen aýyrǵan medbıke qyzdyń aýrýy asqynyp, qaterli isik boıyna jaıylyp ketkeni anyqtalǵan. Alty aıdan soń Lınzı Kreıg qaterli isikten kóz jumady.

Dárigerler Lınzıdiń 14 jasynda qaýipti isigin alyp tastaǵan. Biraq aýrý birneshe jyl ótken soń qaıta qozyp, jas qyzdyń asqazan, ókpe, baýyr, omyrtqa bólikterine jaıylyp ketken.

Dárigerler dıagnoz qoıa salysymen hımıalyq emdeýdi bastaǵan.  Em qabyldaǵanyna qaramastan, Lınzı óz aıaqtaryn sezýden qalady. 27 jeltoqsan kúni mereke qarsańynda jaǵdaıy kúrt nasharlap, anasy jedel járdem shaqyrady.

Lınzıdiń anasynyń aıtýy boıynsha, Lınzıdiń sońǵy sózderi mahabbat pen súıispenshilik jaıynda bolǵan.

Aýdarǵan : Aıgerim TAÝBAI