Astana qalasy ákimdiginiń Jastar teatry Qazaqtyń tuńǵysh rejıseri Jumat Shanınniń týǵanyna 125 jyl tolýyna oraı QR Mádenıet jáne sport mınıstrligi, Halyqaralyq TÚRKSOI uıymynyń jáne OQO Mádenıet basqarmasynyń uıymdastyrýymen Shymkent qalasynda ótken Túrki álemi teatrlarynyń "Teatr kóktemi-2017" halyqaralyq festıvalinde Ý.Shekspırdiń "Asaýǵa tusaý" komedıasymen gran-prı júldesine ıe boldy dep habarlaıdy Qamshy aqparattyq agenttigi teatrdyń baspasóz qyzmetine silteme jasaı otyryp.
Qoıylym rejıseri – teatrdyń kórkemdik jetekshisi Nurqanat Jaqypbaı.
Sondaı-aq, "Eń úzdik áıel beınesi" júldesi - Katarına róli úshin Aınur Rahıpovaǵa, «Qoıylymdaǵy utymdy beıne" júldesi - Petrýchıo róli úshin Ádil Ahmetovke tabys etildi.
