Alibaba Croup-tyń negizin qalaýshy  Djek Manyń aıtýy boıynsha,  30 jyldan soń kompanıalardy robottar basqarady.

Jaqyn arada Djek Ma Qytaıdyń kásipkerler klýbynyń múshelermen kezdesti dep habarlaıdy Qamshy aqparattyq agenttigi Yahoo-ǵa silteme bere otyryp.  Kezdesý barysynda  aldaǵy 30 jylda álemde qıyndyqtar qazirgiden de kóp bolady dep málimdedi.

Djek Ma osydan 15 jyl buryn óziniń elektrondyq komersıanyń damýy jaıynda aıtqanyn eske sala ketti. Elektrondyq komersıanyń damýy dástúrli bızneske áser etedi. Biraq óziniń aldyn-ala jasaǵan eskertýine eshkimniń qulaq aspaǵanyn tilge tıek etti. Qazirgi tańda kez kelgen jumys ǵalamtormen tyǵyz baılanysty ekenin de aıtyp ótti.

Robottar adamdardyń ornyn basa almaıdy. Onyń ornyna túrli jumystardy atqaratyn mashınalardy oılap tabý kerek.  Sonda ǵana robottar adamǵa qarsylas emes seriktes bolady, qıyn jumystardy atqarýǵa óz kómegin tıgizedi, dedi Djek Ma.

30 jyldan soń Time jýrnalynyń alǵashqy betinde bir kompanıanyń Bas dırektory retinde adam emes robottyń sýreti turýy da ǵajap emes. Sebebi, robottyń adamǵa qaraǵanda este saqtaý qabileti myqty, esepke júırik jáne robottyń sezý múshesi joq, dedi Djek Ma.