Áleýmettik jelige kalán tartqan sýretin salyp, albaty «laık» basqan sheneýnik jazaǵa tartylady

    Nurgali Nurtay
    Áleýmettik jelige kalán tartqan sýretin salyp, albaty «laık» basqan sheneýnik jazaǵa tartylady

    Memlekettik qyzmet isteri jáne sybaılas jemqorlyqqa qarsy kúres agenttiginde memlekettik qyzmetshiler áleýmettik jelidegi jarıalanymdary tekseriletinin málimdedi. Bul týraly Qamshy aqparattyq agenttigi QazAqparatqa siltep habarlaıdy.

    "Etıka kodeksinde memlekettik qyzmetshiler qoǵamnyń synyn týǵyzýǵa jol bermeýi shart delingen. Bizdiń kózqarasymyz boıynsha, memlekettik qyzmetshilerdiń áleýmettik jelilerinde memlekettik qyzmettiń bedeline nuqsan keltiretin foto, beınematerıaldardyń jarıalanýy bizdiń iske kirisýimizge jáne ol jarıalanymdy óshirýge nemese kópshilik nazarynan alyp tastaýyn suraýymyzǵa negiz bola alady", - dedi memlekettik qyzmet salasyndaǵy baqylaý departamentiniń basshysy Qýanysh Japaqov.

    Departament basshysynyń aıtýynsha, ondaı jazbalarǵa memlekettik qyzmetshilerdiń túrli keshterdegi nemese ózge de oryndardaǵy ádepsiz, mas kúıindegi, kalán jáne ózge de tyıym salynǵan zattardy tutyný kezindegi foto jáne beınetúsirilimderi jatady.

    Sonymen qatar destrýktıvti dinı aǵym aqparattary bar jazbalarǵa "laık" basý memlekettik qyzmetshiniń tártiptik jazaǵa tartylýyna ákep soqtyrýy múmkin.

    "Mysalǵa, naýryz aıynda memlekettik organdarǵa monıtorıń jasaldy. Onyń barysynda ınvestısıalar jáne damý mınıstrliginiń, qorǵanys jáne áýeǵarysh ónerkásibi mınıstrliginiń birqatar qyzmetkerleriniń akkaýnttarynan memlekettik qyzmettiń bedelin túsiretin jekelegen materıaldar anyqtaldy. Bul jazbalardy óshirýge jáne atalmysh materıaldardy jarıalaǵan qyzmetkerlerdiń isin tártiptik komısıada qaraý jóninde málimetter joldandy. Sáýirde jergilikti atqarýshy organ qyzmetkerleriniń akkaýnttaryna monıtorıń júrgizilýde", - dedi ol.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025