Strategy2050.kz agenttiginiń habarlaýynsha, QR Memlekettik qyzmet isteri jáne sybaılas jemqorlyqqa qarsy kúres isteri, Qazaqstan halqy Assambleıasy sybaılas jemqorlyqqa qarsy mádenıet qalyptastyrý jóninde birlesken is-sharanyń josparyna qol qoıdy.
Bul jaıynda Qazaqstan halqy assambleıasy jetekshisiniń orynbasary Darhan Myńbaı Qazaqstan halqy Assambleıasy Keńesiniń otyrysynda aıtty.
«Memleket basshysy baǵdarlamalyq maqalasynda aıtyp ótkendeı, biz árkimniń jeke úlesi men qasıetteri baǵalanatyn qoǵam quramyz. Mundaı júıe tamyr-tanystyqty qajet etpeıdi. Júıeniń bul túri damymaı qalǵan memleketterde qoldanylady. Qol qoıý men jospardyń oryndalýy jemqorlyqpen kúreste óz nátıjesin beretinine senimdimin», dedi D. Myńbaı.
«Jemqorlyq – memleketti qurtatyn, adamdardyń senimine, ulttyq qaýipsizdikke nuqsan keltiretin árekettirdiń biri», dep óz pikirin qosty A. Shpekbaev.
Sondaı-aq, memlekettik qyzmetker Qazaqstanda jemqorlyq deńgeıniniń tómendegenin aıtty.
«Halyqaralyq reıtıńke kóz júgirtsek, elimizde 2013 jylǵa qaraǵanda jemqorlyqqa barǵan adamdardyń sany áldeqaıda azaıǵan».
Jemqorlyqqa qarsy mádenıet qurý jónindegi josparda Qazaqstandaǵy túrli etnıkalyq toptardyń tilderinde avtorlyq maqalalardyń jarıalanýy, adamdardy jemqorlyqqa qarsy tárbıeleý maqsatynda radıolarda, áleýmettik jelilerde, teleekrandarda túrli baǵdarlamalardyń translásıasy qaralaǵan.