Nátıjeli jumyspen qamtýdyń jáne jappaı kásipkerlikti damytýdyń baǵdarlamasyn iske asyrýdyń barysy týraly ótken «Nur Otannyń» partıalyq tyńdaýynda osyndaı málimetter jarıa etildi.
Otyrysty ashqan «Nur Otan» partıasy Tóraǵasynyń Birinshi orynbasary sońǵy 16 jyldyń ishinde Qazaqstanda jumyssyzdyqtyń eki esege azaıyp, atap aıtsaq – 13 pen 5 paıyzǵa tómendegenin tilge tıek etip, bul óz kezeginde Elbasynyń áleýmettik-ekonomıkalyq saıasatynyń tıimdiliginiń aıqyn dáleli bolyp tabylatynyn jetkizdi. Atalǵan kórsetkish boıynsha bizdiń respýblıkamyz Eýropa Odaǵynan (8,2%), Ýkraınadan (9,7%), Qyrǵyzstannan (8%), Brazılıadan (12%), Reseıden (5,6%) ozyp, AQSH pen Ulybrıtanıanyń (4,8%) kórsetkishine jaqyndap qaldy.
«Shet elden jáne búdjetten san mıllıardtaǵan qarjylar tartylyp, jańa zaýyttar men kásiporyndar ashylyp, ınovasıalyq tehnologıalar engizilýde. Dál osyndaı ýaqytta bizde 445 myń jumyssyz tirkelgen. «Nur Otan» partıasy men úkimet bul problemany sheshýi tıis», - dep atap ótti Muhtar Qul-Muhammed.