Óskemende órt sóndirý kóliginiń júrgizýshisi Ertis ózeniniń ústindegi kópirden sekirip ketýge oqtalǵan qyzdy qutqaryp qaldy, dep habarlaıdy Qamshy aqparattyq agenttigi yk-news.kz-ke silteme jasap.
Óskemen qalalyq tótenshe jaǵdaılar basqarmasynyń habarlaýynsha, 26 sáýir kúni 18:00 shamasynda jas qyz Ertis ózeni ústindegi kópirden tómenge qaraı sekirmekshi bolǵan.
“Men kópir jaqpen ótip bara jatyp, qyzdyń sekirýge daıyndalyp jatqanyn baıqap qaldym. Dereý kólikti toqtatyp, onyń qolynan tartyp úlgerdim”, – deıdi Vıtalıı Baqtybaev.

“Vıtalıı Baqtybaev óz isiniń sheberi jáne arda azamat. Ol oqıǵanyń qalaı bolǵanyn baıandap berdi. Ol órt sóndirý salasynda 17 jyldan beri taban aýdarmaı jumys istep keledi”, – dedi qalalyq TJB ókildigi.