Joba 2010 jyldan beri júzege asyrylyp keledi. Bul – «Qazaqstan Temir Joly» UK» AQ men Tótenshe jaǵdaılar mınıstrliginiń (qazir – QR İshki ister mınıstrligi Tótenshe jaǵdaılar komıteti) jáne Qazaqstan Respýblıkasy Densaýlyq saqtaý mınıstrliginiń birlesken ıdeıasy.
2016 jyly «Samruk-Kazyna Trust» áleýmettik jobalardy damytý qory qosyldy. Medısına poıyzyna kelgen árbir jan kelesi medısınalyq mamandyqtardyń bilikti mamandarynan tegin tekserýden ótip, em ala alady, olar: terapevt, stomatolog, oftalmolog, otorınolarıngolog, hırýrg, pedıatr, gınekolog, endoskopıst, kardıolog, nevropatolog. Poıyz zamanaýı dıagnostıkalyq jáne emdik quraldarmen, shaǵyn-operasıa bólmesimen, zerthanamen, baılanys quraldarymen jáne telemedısına konferensıalaryn ótkizý úshin – Internetke qosylý múmkindigimen jabdyqtalǵan. Osylaısha, respýblıkalyq úlken klınıkalardyń úzdik mamandary poıyzdyń medısına qyzmetkerleri shtatyna jeli arqyly qosylady. Onkologıalyq aýrýlardy, týberkýlezdi, qant dıabetin jáne basqa da aýyr dertterdi erte anyqtaý, ıaǵnı osy aýrýlardy bastapqy satysynda anyqtaý asa mańyzdy.
2017 jyly joba «Qazaqstan Temir Joly» UK» AQ jáne «Áleýmettik jobalar qory» Korporatıvtik qory, «Samruk-Kazyna Trust» áleýmettik jobalardy damytý qory, Densaýlyq saqtaý mınıstrligi, Qazaqstan Respýblıkasynyń İshki ister mınıstrligi aımaqtyq basqarý organdarynyń qoldaýymen sonymen qatar «Qazposhta» AQ, «Nur Otan» partıasynyń qoldaýymen iske aspaq.
2017 jyly medısına poıyzdary kelesi baǵyttar boıynsha júredi:
«Salamatty Qazaqstan» quramy – 11 sáýirden 6 qarashaǵa deıin ortalyq, soltústik, shyǵys jáne batys aımaqtarǵa, «Densaýlyq» quramy – 18 sáýirden 20 jeltoqsanǵa deıin ońtústik jáne batys aımaqtarǵa barady.