28 sáýirde 2016-2020 jyldarǵa arnalǵan Jekeshelendirýdiń keshendi josparyna sáıkes Almatyda Investorlar kúni ótkizildi.
Sharaǵa «Qazaqstan temir joly» UK» AQ basshysy Qanat Alpysbaev qatysyp, sóz sóıledi.
Q. Alpysbaevtyń aıtýynsha, bıylǵy Joldaýda bıznes ortany barynsha túbegeıli jaqsartý týraly tapsyrma berildi. Osy maqsatta «QTJ» UK» AQ kompanıalar toby birqatar aktıvterdi básekeles ortaǵa shyǵarý úshin belsendi qyzmet etqarýda. Bul sharalar Kompanıanyń strategıalyq damýy men jekeshelendirýdiń memlekettik baǵdarlamasy aıasynda júrgizilýde. Memleket basshysy men QR Úkimetiniń tapsyrmasyna oraı, «QTJ» UK» AQ temirjol kompanıasy kóliktik-logıstıkalyq holdıńke aınaldy. Holdıńtiń aldynda tranzıttik áleýetti júzege asyra otyryp, Qazaqstannyń Jańa Jibek joly boıyndaǵy logıstıkalyq haby bolyp qalyptasýyna qyzmet etýde.
Q. Alpysbaevtyń aıtýynsha, «qazirgi tańda QTJ kompanıalary tobynda maqsatty qurylymdyq toptar qurylýda. Olar beıindik aktıvterdi shoǵyrlandyrý men kólik-logıstıkalyq bıznes segmentin bir baǵytqa beıimdep, sonymen qatar beıindi emes qosymsha aktıvterdi jekeshelendirý kózdeledi». Jekeshelendirýge temirjol tehnıkalary men qural jabdyqtaryn shyǵaratyn zaýyttar, júk jáne jolaýshylar tasymaldaý segmentindegi aktıvter, kólik-logıstıkalyq termınaldar, qosalyq beıindi emes aktıvter shyǵarylady.
Q. Alpysbaevtyń aıtýynsha, (2014-2015) jekeshelendirýdiń birinshi kezeńinde 21 aktıv shyǵarylyp, odan 42,4 mıllıard teńge tústi. Kompanıanyń kóptegen enshiles kásiporyndary bastapqy baǵasynan joǵary somaǵa satyldy. Bul óz kezeginde jeke sektordyń QTJ aktıvine degen suranysynyń joǵary ekendigin kórsetedi.
2016 jyly 11 aktıv jeke sektorǵa shyǵarylyp, 24 mlrd. teńgege baǵalandy. "Lokomotıv qurastyrý zaýyty» AQ 50% aksıasy Evolution serıasyndaǵy lokomotıvterdiń tehnologıasynyń menshik ıesi men negizgi jabdyqtar jınaǵyn jetkizýshi «General Electric» kompanıasyna berildi.
2017 jyly QTJ kompanıalary tobynyń 21 aktıvi shyǵarylady. Olardyń ishinde Aqtaý halyqaralyq teńiz saýda porty men «QTJ» UK» AQ senimdi basqarýyndaǵy birqatar óńirlik áýejaılar básekeles ortaǵa shyǵarylady.
«Biz memlekettik jekeshelendirý baǵdarlamasyna qazaqstandyq jáne sheteldik ınvestorlardyń belsendi qatysýyn kútemiz»,-deıdi Q. Alpysbaev. Bul árıne óz kezeginde bıznes ortadaǵy ınvestısıalyq ahýaldyń jaqsaryp, elimizde orta jáne shaǵyn bıznestiń damýyna serpin beretindigine ol arqyly İJÓ ósetindigine senim bildirdi.
