2016 jyldyń naýryz aıynda S.Seıfýllın atyndaǵy Qaraǵandy oblystyq qazaq drama teatrynyń sahnasynda B.Bekjanovtyń «Ómir» atty týyndysy sahnalanyp, kórermen kózaıymyna aınalǵan edi. Búgingi kún taqyrybyn arqaý etken zamanaýı qoıylym qoǵam dertin astarly meńzeıdi. Keıipkerler taǵdyrynyń órbýi arqyly esepke quralǵan turmys, aqsha qajettiligi úshin aryn satýǵa májbir boıjetken,baılyqqa kenelgen baı-qýatty ómir men adamdyq jáne ar jolyn izdegen bas keıipker Ómir arqyly úsh túrli taǵdyr, úsh túrli ómir joly sýretteledi.
Spektákldiń qoıýshy rejıseri QR Mádenıet qaıratkeri, Abaı festıvaliniń kúmis júldegeri, 85 jyldyq tarıhy bar Sáken teatrynyń sahnasynda san qyrly obrazdardy somdaǵan talantty akter, jazýshy Slambek Áınekbaıuly Jumaǵalı. Rejıserlik qoltańbasy qalyptasqan, avtor oıyna ózindik paıymyn sheber úılestirýshi rejıser S.Áınekbaıulynyń qaı qoıylymy bolmasyn ózekti taqyrypty qamtyp, teatr repertýaryndaǵa mańyzdy qoıylymǵa aınalady. «Ómir» spektákliniń bas keıipkerlerin teatrdyń talantty akterleri A.Muqashev (Ómir), K.Úısimbaeva (Aına) somdaıdy.
Jastar úshin súıikti qoıylymǵa aınalǵan «Ómir» spektakli búgin 28 sáýir kúni (bast.18-30) Sáken teatrynda sahnalanady. Mahabbat mashaqaty men sezim sergeldeńi, kútpegen kezdesý men aıaýshylyq sezimi, júreksiz qoǵamda sezim izdegender taǵdyry sýretteletin qoıylymdy jiberip almańyzdar!
Nazerke Slanbek
