Qazaqstan qala turǵyndary Dúnıejúzilik adamı damý reıtıńisinde – 50 orynda bolsa, al aýyldyq turǵyndar – 96 orynda, dep habarlaıdy palata.kz
QR Parlamenti Májilisinde ótken «Nur Otan» partıasynyń keńeıtilgen jınalysynda «Qazaqstan Respýblıkasyndaǵy kásipkerliktiń damýy. Aǵymdaǵy syn-tegeýrinder jáne keleshegi» taqyryby kún tártibinde talqylandy. Osy rette kásipkerlik bilim berý ahýalyna saraptama jasaldy.
«Atameken» Ulttyq kásipkerler palatasy Basqarma Tóraǵasy orynbasary Eldar Jumaǵazıev respýblıkanyń túkpir-túkpirinde júrgizilip jatqan «Bastaý Bıznes» jobasy boıynsha baıandama jasady. Aıta ketelik, 1 qantarda kúshine engen 2017-2021 jyldaryna arnalǵan «Nátıjeli jumyspen qamtý jáne jappaı kásipkerlikti damytý» memlekettik baǵdarlamasy aıasynda Atameken» Ulttyq kásipkerler palatasy qarjylaı emes operatory retinde 14 oblystyń 80 aýdanynda «Bastaý Bıznes» mektepterin iske qosty.
«BUU damytý baǵdarlamasynyń 2016 jyly ótkizilgen zertteý nátıjesine súıensek, elimizdiń qala turǵyndary dúnıejúzilik adamı damý reıtıńisinde – 50 orynda bolsa, al aýyldyq turǵyndar – 96 orynda. Bul reıtıńtiń negizgi kórsetkishteriniń biri turǵyndardyń bilim alý deńgeıi ekenin eskersek, aýyl turǵyndaryn bızneske baýlý úshin barynsha qarapaıym, qoljetimdi tetikteri jasalyp, berilgen aqparat mentaldy, tildik turǵydan túsinikti bolýy shart», – dedi Eldar Jumaǵazıev.
«Bastau Bıznes» jobasy boıynsha bıylǵy jyldyń sáýir aıynan bastap 4188 jumyssyz jáne ózin-ózi jumyspen qamtyǵan adam testileýge qatysyp, bıznes ashýǵa yqylas bildirgen 3258 azamat joba aıasynda kásipkerliktiń qyr-syryn oqýda. Birinshi kezeń nátıjesinde 2000-ǵa tarta jańa bıznes-joba jasalady dep kútiledi.
«Bastau Bıznes» aýyl turǵyndarynyń áleýetin kóterýge baǵyttalǵan joba. Eldiń túpkir-túpkirinen iriktep alynǵan 95 bıznes-trener joǵary ekonomıka mektebi negizinde eki aptalyq arnaıy trenıńten ótip, daıyndyǵy men biliktiligi eń joǵary 80 bıznes-trener elimizdiń 80 aýdanyna jiberildi», – dedi Eldar Jumaǵazıev.
30 kúnge sozylatyn oqytý merzimi 12 modýlden quralady. Modýlder bıznesti endi bastap jatqan kásipkerler úshin barynsha paıdaly. Atap aıtqanda, kásipkerlik psıhologıasy, bıznes josparlaý, marketıń, salyq rejımderi, ótkizý naryqtary, quqyqtyq retteýge qatysty barlyq materıaldar tájirıbelik turǵydan túsindirildi.
«Bastaý Bıznesti» úzdik támamdap, óz bıznes-jobasyn sátti qorǵaǵandar 18 mln. teńgege deıin jyldyq 6 paıyz mólsherlememen ońtaıly qarjylandyrý, bıznes ashqan soń 12 aıǵa deıin jan-jaqty qoldaýdan basqa taǵy bir artyqshylyǵy bar. Ol qatysýshylardyń bıznes-jobasyn qorǵaýǵa daıyndaý, psıhologıalyq turǵydan qoldap, pysyqtaý kózdelgen.
Eldar Jumaǵazıevtiń aıtýynsha jobany júzege asyrýda birneshe túıtkilder bar. Máselen, Nátıjeli jumyspen qamtý jáne jappaı kásipkerlikti damytý baǵdarlamasy aıasyndaǵy beriletin shaǵyn nesıelerdiń jalpy somasy 27 mlrd. teńgeni quraıdy. Alaıda olardyń tek 20 paıyzy (5,4 mlrd. teńge) ǵana bastapqy bıznesti damytýǵa jumsalady.
«Shaǵyn nesıe berý tájirıbesine súıensek, 5,4 mlrd. teńge shamamen 1080 startap jobasyn ǵana qyrjylandyrýǵa jetkilikti. «Bastaý Bıznes» jobasynyń maqsaty ındıkatorlary osy qarjylandyrýǵa tikeleı baılanysty bolǵandyqtan, qazirgi jaǵdaıda atalmysh másele KPI oryndap, jańa 3000 shaǵyn bıznes ashýǵa kedergi bolyp tur», – dedi Eldar Jumaǵazıev.
Uıymdastyrýshylar qarjylandyrýǵa baǵyttalǵan jalpy somanyń keminde 50 paıyzyn bastapqy (startap) bıznes nesıelendirýge jumsaý týraly sheshim qabyldaýdy usyndy. Bul norma Nátıjeli jumyspen qamtý jáne jappaı kásipkerlikti damytý baǵdarlamasynyń maqsatymen sáıkes keledi.
Jalpy «Bastaý Bıznes» biregeı jobasyna degen halyqtyń qyzyǵýshylyǵy basym. Oqýǵa qatysqysy keletinder kóp. Joba memlekettik deńgeıde alǵash ret ótkizilýine qaramastan, Ulttyq ekonomıka mınıstrligimen jasalǵan shartymen qarastyrylǵan mindettemelermen shektelmeıdi. 2017 jyly shartta eskerilmegen avtomattandyrý sıaqty birqatar jumystardy jasap, 2018 jylda joba aıasy keńeıip, barlyq 160 selolyq aýdandar qamtyǵan kezde «Bastaý Bıznes» jobasynyń nátıjesi anyq baıqalady.
