EKSPO bıletterin kúshtep satqyzý kimge kerek?

    Gulim Zhaqan
    EKSPO bıletterin kúshtep satqyzý kimge kerek?

    «Astana EKSPO - 2017» ulttyq kompanıasy qoǵammen baılanys departamentiniń dırektory Sergeı Kýıanovtyń aıtýynsha, búginde arnaıy nómirge aryz-shaǵymdar kóptep túsip jatyr, dep xabarlaıdy QazAqparat tilshisi.

    «Iá, bıletterdi kúshtep satýǵa qatysty aryzdar bar. Bılet satylymy bastalǵaly beri respýblıkanyń túkpir-túkpirinen osy máselege qatysty 300-ge jýyq shaǵym tústi. Shynymen de, ondaı aryzdardyń basym bóligi rastalady. Ondaı «marketıńti» jergilikti ákimdikter júrgizip otyr. Biz birden aralasyp, ondaı jaǵdaılardy sheshýge tyrysamyz. Kúshimiz jetpeı jatsa, quziretti organdarǵa tapsyramyz», - dedi Kýıanov búgin Astanada ótken arnaıy baspasóz máslıxatynda.

     Onyń aıtýynsha, kórme bıletterin kúshtep satýǵa baılanysty aryz-shaǵymdar kóp bolsa da, sol bıletti satyp almaǵany úshin bireýdi jumystan shyǵarǵany jaıynda áli birde-bir aqparat túsken joq.

    Aıta keteıik, búginde EKSPO bıletterin kúshtep satýǵa qatysty barlyq aqparatty 87023326521 nómirine WhatsApp arqyly jazýǵa bolady.

    Budan bólek, hotline@expo2017astana.com elektrondy poshtasyna aryz túsirýge bolady.

    Qatysty Maqalalar

    Bárimiz qazaqpyz ǵoı!

    Bárimiz qazaqpyz ǵoı!

    12:57, 06 naýryz 2025