Qazaqstan Respýblıkasy Aýyl sharýashylyǵy mınıstrligi jáne oǵan baǵynyshty Komıtetter men “UAǴO ” komersıalyq emes aksıonerlik qoǵamy Aqmola oblysy Atbasar aýdanyndaǵy sý tasqynynan zardap shekken turǵyndarǵa 8 665 042 teńge kóleminde aqshalaı kómek kórsetti. Bul týraly Qamshy aqparattyq agenttigi mınıstrlik saıtyndaǵy aqparatqa súıenip habarlaıdy.
Keshe Mınıstrlik ókilderi Atbasarǵa baryp, baspanasyn sý basyp, arendalyq úıler men ýaqytsha kýpelik vagondarda turyp jatqan turǵyndarmen kezdesti.
Úkimet jáne jergilikti atqarýshy organdar tótenshe jaǵdaıǵa toıtarys berýdiń barlyq amaldaryn jasap jatyr. Degenmen, azamattyq qoǵam da enjar qalmaı, zardap shekken jandarǵa barynsha qoldaý bildirýde.
Jınalǵan qarajat «Taza qala Atbasar» Qoǵamdyq birlestiginiń shotyna aýdaryldy.
