Onyń aıtýynsha, nekesin qıǵandar men ajyrasýshylar qatary kóbeıip keledi. Máselen, jyl basynan bergi segiz aıda 105,9 jup neke qıýǵa ótinish berse, 32,3 myń ótinish ajyrasýǵa qatysty tirkel­gen. Ajyrasý 8,8 paıyzǵa artyp ketken. Statısıka agenttigi tóraǵasy aıt­qan derekke súıensek, shetelden bolsyn, el ishindegi bolsyn kóshi-qon saıabyrsyp tur. Sandardy sóıletsek, aıtylǵan merzimde Qazaqstanǵa kelýshiler 3348 adamǵa, ıaǵnı 14,2 paıyzǵa azaıǵan. Qazaqstan­nan ketkender 1221 adamǵa nemese 6,0 paıyzǵa tómendegen. «Elimizdegi negizgi kóshi-qon almasýy TMD memleketterimen bolýda. TMD elderinen kelgenderdiń jáne sol elderge ketkenderdiń úlesi, tıisinshe, 17053 jáne 18343 adamdy qurady. El ishinde qonys aýdaratyn kóship-qonýshylar sany da 1,0 paıyzǵa azaıyp, 228325 adamdy qurady», - dedi agenttik basshysy. Qysqa merzimdi ekonomıkalyq ın­dıkator bıylǵy toǵyz aıda 102,7 paıyz­dy qurapty. Al negizgi kapıtalǵa salynǵan ınvestısıa 3536,4 mlrd teńgege taban tirep, 3,3 paıyzdyq ósim kórsetti. Bıylǵy qýańshylyq aýyl sharýa­shylyǵy óniminiń kólemin ótken jylǵy­men salystyrǵanda, 8,4 paıyzǵa deıin azaıtyp jiberdi. «Búgingi derek boıynsha respýblıka kóleminde 14 mln 497 myń tonna bıdaı jınaldy, ónimdiligi gektaryna 9,6 sentnerden boldy. Byltyrǵydan tó­men. Byltyr 15 qazanda 26 mln 118 myń tonna jınalǵan bolatyn. Al jyl sońyna deıin 27 mln tonna astyq bastyryp edik», - dedi Á.Smaıylov. Onyń aıtýynsha, júk aınalymy 11,3, bólshek saýda kólemi 12,8, kóterme saýda kólemi 15, tamaq ónimderi men sýsyndardy usyný qyzmetteri kólemi 12,5 paıyzǵa ósti. Al qańtar-tamyzda syrtqy saýda aınalymy 89984,3 mln AQSH dollaryn qurap, ótken jyldyń sáıkes kezeńimen salystyrǵanda, 13,5 paıyzǵa artty. Onyń ishinde eksport 9,3, ımport 24,1 paıyzǵa artty. Al Keden odaǵy elderiniń taýar aınalymynda eksportta tómendeý bar. «Qańtar-tamyz aılarynda Keden oda­ǵy elderiniń ózara saýda aınalymy 15 mlrd 522 mln AQSH dollaryn qurady. Bul ót­ken jyldyń sáıkes kezeńimen salystyr­ǵanda 0,3 paıyzǵa tómen. Eksport 4 mlrd 546 mln dollardy qurap, 12 paıyzǵa tómendedi. Import 10 mlrd 975 mln dollarǵa turaq­tap, 5,2 paıyzǵa ósti. Eksporttyń tó­mendeýine metalýrgıa taýarlaryna syrtqy naryqtan suranystyń tómendeýi­ne sebep boldy», - dedi bizdiń saýalymyz­ǵa jaýap bergen agenttik tóraǵasy. Ótken qyrkúıekte azyq-túlik taýar­larynyń baǵasy 3,2, azyq-túlik emes taýarlar - 2,2 paıyzǵa qymbattaǵanyn da Á.Smaıylov aıtyp otyr. Al halyqtyń ortasha jan basyna shaqqandaǵy ataý­ly aqshalaı tabystary tamyz aıynda 51890 teńgeni qurady. Taǵy da sol tamyz­daǵy esepke júginsek, qyzmetkerlerge eseptelgen ortasha aılyq ataýly jala­qy 104546 teńgeni quraǵan. Jalaqy ósip jatqanymen, elimizde jumyssyzdyq joıylar emes. Máselen, qyrkúıektegi jumyssyzdar sanyn baǵalaý 475,3 myń adamnyń eki qolǵa bir kúrek taba almaı otyrǵanyn anyqtady. Agenttik bergen derekke súıensek, avtokólik minýshiler kóbeıip barady. Jyl basynan tamyz aıyna deıin 38 312 jeńil avtomobıl tirkelipti. Bul ótken jylǵydan 4,2 paıyzǵa joǵary eken. Osy­laısha elimizdegi jeńil avtokólikterdiń sany 3 mln 646,5 myńǵa jetti. Eń kóp kólik tirkelgen Almaty qalasy - 5661 avtokólik tirkelse, odan keıin Ońtústik Qazaqstan oblysy tur. Sodan keıin Almaty oblysynyń halqy kólik mingen­di jaqsy kóredi. Al qyrkúıek aıynda 15 026 turǵyn úı satylypty. Eń kóp úı Almaty men Astana qalalarynyń birinde satylǵan bolar deseńiz, qatelesesiz. Sebebi turǵyn úı satyp alý-satý mámilesin kóp jasaǵan aımaq Qaraǵandy oblysy bolyp shyqty. Ból óńirde qyrkúıek aıynda 1812 satyp alý-satý mámilesi jasalǵan, odan keıingi orynda Shyǵys Qazaqstan oblysy, Almaty qalasy tur. Halıma BUQARQYZY