Bul otbasyny Taldyqorǵandaǵy Qarabulaq aýylyna alyp kelip, olardyń qujattaryn 60 000 teńgege «egelerine» satqan, dep habarlaıdy turmush.kg basylymy. Málmettiń qazaqsha nusqasyn Qamshy aqparattyq agenttigi oqyrman nazaryna usynady.

Qyrǵyzstan polısıasynyń aıtýynsha, 2006 jyly Qazaqstanǵa 34 jastaǵy áıel men onyń 9 jastaǵy ulyn jáne bir jastaǵy qyzyn satyp jibergen eken. Derekterde kórsetilgendeı, olardy 60 myń teńgege quldyqqa satqan.

Quqyq qorǵaý organdarynyń málimdeýinshe, 2006 jyldyń mamyr aıynda Qyrǵyzstan turǵyny áıeldiń sengishtigin paıdalanyp, ony balalarymen birge Qazaqstanǵa alyp kelgen.

Taldyqorǵan oblysynyń Qarabulaq aýylyna kelip, kúdikti quldyqqa satylǵan adamdardyń qujattaryn 60 myń teńgege aıyrbastapty.

Atalmysh oqıǵanyń shyndyǵy 11 jyldan keıin belgili bolyp otyr.  Bul isti Osh oblysynyń İİB rastady. Atalmysh oqıǵaǵa qatysty materıaldar jınaqtalyp, tekserý jumystary júrgizilip jatyr.

Aıta keter bolsaq, 26 sáýir kúni qylmysker bir boıjetkendi oǵan úılenemin dep aldap, 50 myń teńgege seksýaldy quldyqqa satyp jibermek bolǵan. Astana polısıa basqarmasy bul oqıǵanyń aldyn orap, satý isin boldyrmaǵan.