Búgin qazaq batyry Raqymjan Qoshqarbaevtyń reıhstagqa tý tikken kúni dep habarlaıdy Qamshy aqparattyq agenttigi. Raqymjan Qoshqarbaev maıdan kezine óziniń vzvodymen  eń aldynǵy shepterde bolyp, óz ómirin qaýipke tikti. Keıin oǵan «Gıtlerdiń úıinen» Reıhstagqa deıin baryp, Qyzyl týdy tigý týraly tapsyrma berildi. «Gıtler úıinen» Reıhstagqa deıingi araqashyqtyq 360 metr ǵana bolǵanymen, ol jer asa qaýipti, jan-jaǵy qorshaýǵa alynǵan ashyq alań bolatyn. Tolassyz jaýǵan oqtyń arasynda 7 saǵat boıy arpalysyp, atalǵan jerge jetti. Reıhstagqa Grıgorıı Býlatov esimdi jaýyngermen birge jetip, buıryqty oryndady. Bul tarıhı oqıǵa 30-sáýir kúni, saǵat 18:30-da  bolǵan edi. Bul habar búkil elge taralyp, baspasóz betterinde jarysa jarıalandy. Qazaqtyń biregeı batyry 1988 jyly dúnıeden ótti. Halyq qaharmany ataǵy Raqymjan Qoshqarbaevqa 2001 jyly berildi.  Kóptegen qazaqtyń batyrlarynan aırylǵan sol bir surapyl soǵystyń azaby men estelikterin júregi qazaq dep soqqan ár azamat umytqan joq, umytpaıdy da.