2017 jyldyń 13 mamyrynan 1 qazanyna deıin «Qazaqstan» SK jáne «Alaı» SOSO avtoturaq alańdarynda óńirlik aýyl sharýashylyq jármeńkeleri ótedi.
EKSPO-2017 mamandandyrylǵan kórmesin ótkizý kezeńinde azyq-túlik taýarlarymen qamtamasyz etý maqsatynda óńirlik aýyl sharýashylyq jármeńkesin ótkizý josparlanǵan.
Jármeńkelerdi ótkizý oryndary retinde «Qazaqstan» SK jáne «Alaı» SOSO-nyń avtoturaq alańdary belgilendi.
30 myń tonnadan astam ónim usynylady, eń aldymen, jylqy eti, sıyr eti, qus eti, sút ónimderi, jarma túrleri, qant, bal, balyq jáne t.b.
Sondaı-aq, konserttik baǵdarlama uıymdastyrylady, sharanyń mýzykalyq súıemeldeýin oblystardyń shyǵarmashylyq ujymdary qamtamasyz etedi.
Jármeńke eki kún qatarynan ótkiziledi, elorda turǵyndary men qonaqtary azyq-túlik ónimderin naryq baǵasynan 15-20%-ǵa arzanǵa satyp ala alady.
2017 jyldyń 13-14 mamyrynda dástúrli óńirlik jármeńkeler maýsymyn Atyraý, Batys Qazaqstan jáne Ońtústik Qazaqstan oblystary ashady, olan keıin keste boıynsha ótkiziledi (jármeńkelerdiń kestesi tirkelgen).
Úsh jármeńkege oblystardyń barlyq aýdandarynyń 190 óńleý kásiporny men aýyl sharýashylyq qurylymdary qatysady. 300 tonna aýyl sharýashylyq ónimderin ótkizý josparlanyp otyr (Atyraý oblysy - 29 tonna, Batys Qazaqstan oblysy – 4 tonna, Ońtústik Qazaqstan oblysy - 265,5 tonna).
