146 jastaǵy ındonezıalyq er adam Ortalyq Iavada, ózi týyp ósken aýylynda qaza tapty, dep jazady Qamshy aqparattyq agenttigi.

Qujattaryna sáıkes Ghoto ata degen atpen áıgili Sodımedjo 1870 jyldyń jeltoqsanynda dúnıege kelgen. Al Úndistanda jańadan týǵandardy resmı túrde tirkeý tek 1900 jyldardan bastalǵan. Sol sebepti kóbisiniń týǵan jyldary qujattarda qate kórsetilýi múmkin. Bı-bı-sı basylymynyń habarlaýynsha, jergilikti bılik Ghoto atanyń qujatynyń túpnusqa ekenin málimdedi.

Densaýlyǵynyń nasharlaýyna baılanysty qart kisi 12 sáýirde aýrýhanaǵa jatqyzyldy. 6 kún ótken soń óz ótinishi boıynsha úıine qaıtty.

«Úıge kelgen soń jaǵdaıy máz bolmady. Bir-eki qasyq botqa jep, azǵantaı ǵana sý ishe alatyndaı jaǵdaıda boldy. Óler kúni taıaǵanda tamaqtan múldem bas tartty», dedi onyń nemeresi Sýıanto Bı-bı-sı tilshisine.

Tilshi Ghoto atamen byltyr kezdesip, uzaq ómir súrýiniń qupıasyn suraǵanda, qarıa «ómirdegi eń basty nárse – sabyrlyq» dep jaýap bergen eken.

«Meni jaqsy kóretin adamdar maǵan qamqor bolyp, árdaıym janymnan tabylǵandyqtan uzaq ómir súrdim» dep sózin túıindegen qarıa.