Astana áýejaıynda bagajda jarylǵysh qurylǵy bar dep málimdegen Aýǵanstan dıplomaty 3 saǵatqa jýyq qamaýda boldy, dep habarlaıdy Qamshy aqparattyq agenttigi.
Óz qyzmetin atqaryp, Kabýlǵa qaıtpaq bolǵan Aýǵanstannyń burynǵy elshisi Mohammad Farýk Barakı Astana áýejaıynda ustaldy, dep habarlaıdy aýǵan arnasy 1TV.
Aýǵanstan ulttyq áskeriniń burynǵy basshysy Qadam Shah Shahımdi elshi etip taǵaıyndaǵan soń dıplomat Qazaqstandaǵy qyzmetin aıaqtaǵan bolatyn.
Mohammad Farýk Barakı óz eline qaıtýǵa jınalyp jatqan, biraq áýejaıda keleńsiz jaǵdaı oryn alady. Kedenshilerdiń suraǵyna dıplomat ashýly túrde boma bar ekenin málimdegen. Burynǵy elshiniń abaısyzda shyqqan málimdemesi jedel sharalar qoldanýǵa májbúr etti.
Áýejaıǵa kirer joldar jabylyp, oqıǵa ornyna júzden asa arnaıy qyzmetkerler jiberildi. Dıplomat 3 saǵatqa jýyq qamaýda boldy. Qazaqstannyń SİM qyzmetkerleri Barakıge jaqtasqandyqtan jolyn jalǵastyrýǵa ruqsat etken.
Bolǵan oqıǵadan soń burynǵy elshi áýejaı qyzmetkerleriniń arasynda týyndaǵan túsinbestikti aıyptap, bagajyna baılanysty aıtqany qaljyń ekenin málimdedi.
