AQSH-tyń eks-FBI qyzmetkeri Danıela Grın 2014 jyly Sırıaǵa aýdarmashy retinde tapsyrma oryndaýǵa barǵan. Sonda ol «DAISH» terorıstik tobynyń sodyry Denıs Kýspertke turmysqa shyqqan. Bul týraly Qamshy aqparattyq agenttigi CNN-ǵa silteme jasap habarlaıdy.
Danıela Grın sodyrǵa AQSH úkimeti oǵan qarsy uıymdastyrǵan izdeý jumystarynyń júrgizilip jatqany týraly aldyn-ala habarlap aıtqan. Arada birneshe apta ótken soń Danıela óz qatesin túsinip, eline qaıta oralǵan.
Ol tergeý áreketteri kezinde óziniń jalǵan jaýap bergenin moıyndap, eki jylǵa bas bostandyǵynan aıyrylǵan bolatyn. Grın óz jazasyn ótep 2016 jyldyń jazynda bostandyqqa shyqqan.
Denıs Kýspert Germanıa azamaty, «DAISH»-ty nasıhattaý, úgitteýde belsendilik tanytqan, vıdeorolıkterde adamnyń kesilgen basyn ustap kóringen terrorısterdiń biri. Búginde AQSH úkimeti FBI qyzmetkeri Danıela Grınge qatysty jazany jeńil etip taǵaıyndan degen sekildi pikirler aıtylýda.
