Taǵy da Ninety one tobynyń kóptiń ashýyn týdyrǵan beınebaıany jaryqqa shyqty dep habarlaıdy Qamshy aqparattyq agenttigi. Osydan biraz ýaqyt buryn shashtaryn qaraǵa boıap, syrǵalaryn sheship, qalypty stılge kóshken kezde biraz qazaq shúkirshilik etken edi. Biraq jańa beınebaıanynda olar óz stılderine qaıta oralǵandaryn kórsetti. Beınebaıanda tıtteı de bolsyn mán-maǵyna joqtyǵymen qoımaı, aıtqan sózderi de túsiniksiz, tipti mátindi durystap oqyp shyqsań da eshteńe uqpaısyz.

Olardyń jańa áni «Sý asty» dep atalady. Ánde «bizde jelbezekter qansha jerden zertteseń de túsinbeısiń meni» degen sóılemder kezdesedi. Shynymen de qansha túsineıin dep oqysańyz da túsine almaısyz. Bul ánde olardyń «biz ne istesek te ózimiz bilemiz, bizge qarsy tura almaısyńdar» dep aıtqylary kelgendigin ǵana baıqadym. Árıne, ne istese de ózderi biledi, biraq olardyń bolashaq urpaqtyń sanasyn ýlaýyna jol berip, qarap otyra almasymyz anyq.

Top músheleriniń mýzykalyq saýattylyǵy men horeografıalyq sheberlikterin moıyndaý kerek. Alaıda, bul beınebaıan arqyly jyndanyp ketken be dep oılaısyz. Bul jerde jigitter ózderin shegip alǵan adam sekildi kórsetken.  Olar aýany qajet etpeıdi eken. Iaǵnı olardyń ómirleri ózgeshe, ózgelerge uqsaı qoımaıdy.  Olar qarapaıym adamdar sekildi ómir súrýden bas tartqan. Biraq olar ózderimen-ózderi bolyp sol beımálim álemde ómir súre berse jaqsy edi. Ózderimen birge qanshama jastardy adastyryp, áketip jatyr.

Qazaq halqyn álemge tanytamyz deı me?  Qazaq jigitteriniń abyroıyn túsirip, álemge tanytpaı-aq qoısyn. Qazaq óneri olarsyz da damyǵan, damı da beredi. 

Qamshyger: Ásel Óteshova