Petropavlda jantúrshigerlik ólim oryn aldy. Ótken senbide Petropavldyń Cheremýshkı aýdanynda jol ústinde pyshaq jaraqatynan qaza tapqan er adamnyń máıiti tabylǵan dep habarlady Tengrinews.kz saıty Petropavlovsk.kz portalyna silteme jasap. 

 Basylymnyń málimetinshe, jastary 35-ke de tolmaǵan jigitterdiń arasynda qyz úshin janjal týyndaǵan. Jigitterdiń biri ózi súıgen qyzyn tanysynan qyzǵanyp, sol aýyldan kólikpen kelip, qarsylasymen eregesken. Derektergi súıensek, eki jigit te ishken kórinedi. Janjal sońy qaıǵyly aıaqtalǵan. Qyzyn qyzǵanǵan jigittiń júrek tusyna pyshaq qadalǵan.

Qylmysker onyń qansyraǵan denesin aýyldaǵy kóshelerdiń birine laqtyryp ketip, qaza tapqan adamnyń kóligin júrgizip ketken. Keıinirek ol óziniń ne istegenin túsinip, kólikti Novopalovka aýdanynda tastap ketken. Qaza tapqan er adamnyń telefonymen qalaǵa avtobýspen ketpekshi bolǵan. Ol ýaqyttyń ishinde polıseıler kúdiktiniń izine túsip, ony ustap úlgergen. Ózge málimetter ázirge belgisiz.