Jeńil atletıkadan Qazaqstan ulttyq quramasynyń jańa bapkeri bolyp Grıgorıı Egorov taǵaıyndaldy. Bul týraly QR Jeńil atletıka federasıasyna silteme jasaı otyryp Qamshy aqparattyq agenttigi habarlaıdy.

Grıgorıı Egorov 1988 jylǵy Seýl Olımpıadasynda syryqpen sekirýden qola júldeger atanǵan. Shtýgartta (1993 j) ótken álem chempıonatynyń jáne jabyq keshendegi álem chempıonatynyń (1989, 1993 jj), Eýropa chempıonatynyń (1990 j) kúmis júldegeri. Azıa oıyndarynyń jeńimpazy (2002 j), Azıa chempıony (2003 j). Syryqpen sekirýden Azıa rekordsmeni (5.90 m).

QR JAF jumysynyń basty baǵyttarynyń biri elimizdiń barlyq óńirlerinde shynymen de qyzmet atqaratyn oblystyq federasıalary bar zamanaýı sporttyq federasıa qurý bolyp tabylady.

Atap ótý kerek, aǵymdaǵy jyly sportshylardyń kúntizbesinde mynadaı iri jarystar bar:

* jasóspirimder arasynda Azıa chempıonaty (20-23 naýryz, Bangkok (Taıland);

* XXVII Ǵusman Qosanov atyndaǵy memorıal (24-25 maýsym, Almaty);

* eresekter arasynda Azıa chempıonaty (6-9 shilde, Bhýbaneshvar (Úndistan);

* jastar arasynda álem chempıonaty (12-16 shilde, Naırobı (Kenıa);

* eresekter arasynda álem chempıonaty (4-13 tamyz, London);

* Búkilálemdik Ýnıversıada (20-25 tamyz, Taıbeı)

* Jabyq ǵımarattaǵy Azıa oıyndary (17-27 qyrkúıek, Ashhabad (Túrikmenstan).