Reseı Prezıdenti Vladımır Pýtın men Germanıanyń úkimet basshysy Angela Merkeldiń kezdesý kezindegi sýretke dene tili sarapshysy Darren Stanton  taldaý jasady dep habarlaıdy Qamshy aqparattyq agenttigi tvzvezda.ru-ǵa silteme jasap.

 Sýretterge muqıat zer salyp, taldaý júrgizgen Darren Stentonnyń aıtýy boıynsha, eki eldiń basshysynyń kezdesýi shıeleniske toly bolǵan.

Eki eldiń úkimet basynda otyrǵan tulǵalar kamera aldynda óz-ózderin qalypty ustaı bilgen. Alaıda, bul óz isiniń mamany Darren Stentondy sendire almady. Mamannyń aıtýynsha, kezdesý qyzý talqy men qarbalasqa toly, shıelenisken másele tóńireginde ótken.

Tereńirek zertteı kele, Stenton óz boljamyn shyǵardy. Onyń jeke pikiri boıynsha, Merkel «eki el arasyndaǵy qarym-qatynasty jaqsartýǵa tyrysqan», al Reseı Prezıdenti «óz memleketiniń kúsh qýatyna senim artty» deıdi.

Eske sala ketsek, eki eldiń bılik basynda otyrǵan qos  lıderdiń kezdesýi Sochı qalasynda ótken bolatyn.