Belarýsıada qolyńyzǵa aq qaǵaz ustap shyqsańyz ne bolady?

1 mamyr kúni qaǵaz ustap shyqqan 6 adam tutqyndaldy dep habarlaıdy Qamshy aqparattyq agenttigi sheteldik BAQ-qa silteme jasap.

Jergilikti tilshiler oqıǵa ornyna dereý baryp, máseleniń anyq-qanyǵyn bilýge tyrysqanymen, polısıa qyzmetkerleriniń biri de atalmysh jaıtqa qatysty aıtýdan bas tartyp, tilshilerdiń suraǵyna jaýap bermegen.

Aq qaǵaz ustaǵan bir azamatty qolynan súırep bara jatqan polısıa qyzmetkerine «Siz bul kisini tutqyndap jatyrsyz ba?» dep suraq qoıǵan bolatyn. Alaıda, polısıa qyzmetkeri: «Joq, biz jaı ǵana áńgimelesip bara jatyrmyz» dep jaýap bergen.

Oqıǵa ornynda qoldaryna aq paraq ustaǵan turǵyndardyń biri: «Bul – erkindik pen bostandyqtyń belgisi» dep málimdedi.

«Meniń bul jerge kelgen sebebim: elimizde taǵy da saıası tutqynǵa alýshylyq bastaldy, men buǵan qarsymyn. Adamdardy jazyqsyzdan-jazyqsyz qoldarynan jetektep alyp ketip jatyr, halyqqa erkin ómir súrýge múmkindik bersin», - deıdi oqıǵa ornynda aq paraq ustaǵan áıelderdiń biri.