Jambyl oblysynyń prokýrorlary Uly Otan soǵysy Jeńisiniń 72 jyldyǵynyń qurmetine oraı Jambyl oblysyny soǵys ardagerlerin quttyqtap qaıtty. Bul týraly Qamshy aqparattyq agenttigi Jambyl oblysy prokýratýrasynyń Baspasóz qyzmetine silteme jasap habarlaıdy.

          Olardyń árbiri orasan zor syı-qurmetke laıyq, árqaısysy tutqıyldan kelgen jaýǵa qarsy tik turyp, keýdesin kere Otanymyzdy qorǵap qaldy, - dedi oblys prokýrory Ernat Sybanqulov, Uly Otan shaıqasy árbir qazaqstandyqty beı-jaı qaldyrmady, qanshama jyldar ótse de bizdiń ata-babalarymyz umytylmaq emes jáne olardyń eren eńbekteri el esinde qala beredi.

          Ryspanbetov Qybyraı 1921 jyly týylǵan soǵys ardageri shaıqasta eren eńbegimen kózge túsip, Lenıngrad túbindegi shaıqasta jeńiske qol jetkizip, qazirgi tańda Taraz qalasynda otbasymen turyp jatyr.

          Qybyraı ata 1942 jyly soǵysqa attanyp, 1945 jyly jeńispen oraldy. 1 jáne 2 dárejeli «Uly Otan soǵysy» ordenimen, «Lenıngorad qorǵanysy úshin», «Germanıa túbindegi Jeńisi úshin» medaldarymen jáne basqa da nagradalarmen marapattaldy.

          Soǵystan kelgennen keıin de Qybyraı ata óz otanynyń ıgiligi  úshin aıanyp qalmaı, aýyl sharýashylyǵyn kóterýge belsene aralsty.

          3 mamyr kúni oblys prokýrory Ernat Sybanqulov Qybyraı atany Jeńis kúnimen quttyqtap qaıtty, ardager de prokýrorǵa óz alǵysyn bildirip jatty.          Soǵys ardagerine baǵaly syılyqtar tartý etildi, sonymen qatar onyń ishinde EKSPO-2017-ge 2 shaqyrý bıleti tapsyryldy.

          Qybyraı ata, Astanaǵa baryp, elimizdiń jetistikterin óz kózińizben kórip qaıtýǵa densaýlyǵyńyz jetedi dep senemiz. Qazaqstan men basqa elderdiń jetistikke jetýine Sizdiń jáne basqa soǵys ardagerleriniń qosqan úlesi sheksiz dep bilemiz, - dedi oblys prokýrory, Sizderdiń eńbekterińiz árqashan el esinde, bizdiń elimizdiń ósip-órkendeýi Sizderdiń arqalaryńyz.

          Sondaı-aq oblystyń basqa aýdandarynyń soǵys ardagerlerin prokýrorlar quttyqtap, baǵaly syılyqtar tartý etip, áleýmettik, medısınalyq jáne zań júzinde de kómek kórsetildi.

          Moıynqum aýdanynyń prokýratýra qyzmetkerleri soǵys ardageri Abdırov Saǵashtyń da qaharmandyq erlikterin bilip qaıtty, Abdırov Saǵash «Jeńis», «Uly Otan soǵysy», ordenderimen, «Kavkaz qorǵanysy» medalimen jáne basqa da nagradalarmen marapattalǵan.

          Soǵystan keıin de Saǵash ata da ustazdyq etip, keıinirek mektep dırektory, aýyldyq Keńes tóraǵasy, Shyǵanaq aýylynyń aqsaqaldar Keńesiniń tóraǵasy qyzmetterin atqarǵan.

          Qazirgi tańda Saǵash ata óziniń 10 perzenti men 30 nemeresiniń, 33 shóberesiniń jáne bir shópsheginiń arasynda baqytty da uzaq ǵumyr keshýde.

          Bizdiń ardagerlerimiz tek shaıqas alańynda ǵana emes, soǵystan keıin de laıyqty syı-qurmetke bólenip, keleshek urpaqqa úlgi-ónege kórsetýde.

          Oblys prokýrory ardagerlerge, olardyń jesirlerine, tyl eńbekkerlerine qamqorlyq kórsetýdi turaqty negizde jalǵastyrý, qajettilikterine basa nazar aýdaryp otyrý týraly tapsyrma berdi.

          Ata-ababalarymyzdyń qasyq qany men mańdaı terlerimen kelgen Uly Jeńis umytylmaq emes, biz olardy Jeńis kúnderi ǵana emes, júregimizde máńgi saqtap, ashyq aspan astynda beıbit ómir súrgenimiz úshin alǵys bildirýimiz qajet, -  dedi  oblys prokýrory.