20 jasar jigit Aqtóbedeni áskerı bólimnen qashyp, úıine Qandyaǵashqa ketip qalǵan dep habarlaıdy Qamshy aqparattyq agenttigi.  «Ata-anamdy qatty saǵyndym, shydaı almadym» dep áskerden qashyp ketken soldattyń oqıǵasy aktobetimes.kz jarıalanǵan bolatyn. Ony qazaqshaǵa aýdaryp, oqyrman nazaryna usynamyz.

Ǵalymjanov esimdi soldat basynda Óskemende áskerı boryshyn óteýi tıis bolǵan. Biraq úıine barǵysy kele beretin ony basshylyq aıap, túsinistik tanytyp, ony úıine jaqyn mańǵa aqtóbelik bólimshege aýystyrǵan. Alaıda bir aı ótpeı jatyp jigitimiz ata-anasyna degen saǵynyshqa shydaı almaı áskerı antyna berik bolmaı Qandyaǵashtaǵy úıine qashyp ketedi.

"Ony áke-sheshesiniń úıinen taýyp aldyq. Biz kelgende ákesi urysyp jatqan balasyna. Kazarmaǵa oral dep jatqan. Maǵan belgili bolǵandaı, áke-sheshesi balalaryn áskerge ádeıi jibergen. Eseısin, naǵyz er-jigitke aınalsyn dep. Áskerge deıin balalary esh jerde jumys istmegen", –deıdi QR Ulttyq gvardıasynyń  6655 á/6 komandıriniń orynbasary, maıor Denıs Cha.

"Dembelge" jarty qalǵan soldattyń isin áskerı prokýratýra qarastyryp, zertteý júrgizip, óz sheshimin shyǵarady.