Soltústik Koreıa eli jabyq saıasat ustanatyny barshamyzǵa málim. Alaıda, sońǵy jyldary óz elinen qashyp shyqqan adamdardyń Soltústik Koreıa jaıynda aıtyp jatqan áńgimeleri biraz jurttyń tańdanysyn týdyrǵan bolatyn. Qamshy aqparattyq agenttigi osy el jaıynda taǵy da birneshe jaǵa ustatarlyq derekterdi nazarlaryńyzǵa usynady.

KHDR-da qazir 2017 jyl emes, 106 jyl bolyp tabylady. Munyń sebebi: bul elde jyl sanaý Isa paıǵambardyń týǵan jylynan bastap emes, Kım Ir Senniń týǵan kezinen bastap sanalady.

Soltústik Koreıada álemdegi eń úlken stadıon ornalasqan. 150 myń adam syıatyn bul stadıon 1989 jyly salynǵan bolatyn.

2011 jyly Kım Ir Chenniń qazasyna baılanysty aza tutý kúni aıaqtalǵannan soń «durys jylamaǵan» adamdardyń ústinen is qozǵalyp, sottalǵan. Kináli dep tabylǵandar jarty jyl kóleminde eńbek lagerine jiberilip, qara jumysqa jegilgen.

Soltústik Koreıada shash aldyratyn jerge baryp óz qalaýyńyzdaı shash úlgisin jasata almaısyz. Áıelder men er adamdardyń tek 28 shash úlgisiniń túri ǵana ruqsat etilgen. Sonymen qatar, shash boıaýǵa múldem bolmaıdy.

Úkimettiń radıosyn óshirýge qatań tyıym salynady, ol búkil jerde – kóshede, úılerde, dúkendere oınap turýy qajet. Sonymen qatar tyıym salynǵan radıohabrlardy tyńdaǵan adamdardy ańdıtyn arnaıy jasaq bar. Tártipti buzǵan jaǵdaıda, jazasy – ólim.

Jergilikti telearnalardyń tek úsh túri ǵana bar. Onyń ekeýi tek demalys kúnder men merekelerde ǵana qosylady.

Soltústik Koreıada avtokólik tapshylyǵy bar, 3000-4000 adamǵa 4-5 avtokólik ter qoǵamdyq kólikter jumys isteıdi.

Bul elde jumys kúni aptasyna 6 kún, al bir kún óz erkimen jumys isteýshilerge arnalady, qysqasy, bul elde jumys isteıtinder eki aptada bir ret qana demalady eken. Al aılyq tabystary $5-6 aspaıdy.

Iá, biz biletin Soltústik Koreıa jaıyndaǵy derekter osyndaı. Al, biz bilmeıtin derekter men halqynyń turmys jaǵdaıyndaǵy qıynshylyqtar da óte kóp.

Daıyndaǵan: Nazerke Labıhan