Danıa bıligi ýaǵyz aıtýyna tyıym salynǵan birneshe musylman din qyzmetkerleriniń qara tizimin jarıalady dep habarlaıdy Qamshy aqparattyq agenttigi ihsan.kz-ke silteme jasaı otyryp. Aldyn ala habarǵa sáıkes, endi Danıa terıtorıasynda bes ımamnyń ýaǵyz aıtýyna tyıym salynady.

Atalmysh tyıym eki iske qatysty kóterilgen, sondaı-aq aldaǵy ýaqytta qajettilik týyndasa tyıym merzimi uzartyla túspek. Qara tizimge Saýd Arabıasynyń eki azamaty, Sırıanyń bir azamaty, sondaı-aq, Kanada men AQSH azamattary kirgen. Imıgrasıa jáne ıntegrasıa isi mınıstrliginiń málimetinshe, qara tizimge ilingen azamattar dinı arazdyq týdyrǵan.

«Ásiredinshil ýaǵyzshylar bizdiń eldiń demokratıalyq qundylyqtaryna, Danıa azamattarynyń quqyqtary men erkindikterine nuqsan keltirdi»,- delingen mınıstrlik málimetinde.