Qostanaı oblysynda balalarǵa berilýi tıis bolǵan tamaqty aıaǵan balabaqshaǵa aıyppul salyndy, dep habarlaıdy Qamshy aqparattyq agenttigi ng.kz-ke silteme jasap.
Balalarǵa balabaqshada salat, irimshikten jasalǵan túrli tamaǵamdar jáne jemister berilýi tıis bolǵan. Balalardy tıisti tamaqpen qamtamasyz etpegen balabaqsha Qostanaı oblysynyń Denıs aýdanynda ornalasqan. Tártipsizdikke jol bergen balabaqshaǵa sot úkim shyǵardy. Úkim boıynsha, balabaqsha 90 myń teńge aıyppul tóleıdi.
Balabaqshanyń bilim berý deńgeıin teksere kele birneshe tártip buzýshylyq anyqtalyp otyr. Balabaqshada jumys isteıtin qyzmetkerlerdiń birshamasynyń tıisti bilimi bolmaı shyqty. Balalardy sanıtarlyq-epıdemıologıalyq talaptarǵa saı emes jaǵdaıda tamaqtandyryp júrgeni de málim bolyp otyr.
Qys-kóktem mezgilindegi túski asqa salat jáne kókónister berilýi tıis bolǵan. Mázirde turǵan irimshik qosylǵan taǵamdar men jemisterden de búldirshinder dám tatpaǵan. Balalarǵa bir aı kóleminde berilýi tıis bolǵan sút, balyq, jumyrtqa, irimshik, qaımaq syndy ónimder tıisti norma boıynsha berilmegen.
Atalǵan balabaqsha 2016 jyly da tártip buzýshylyq boıynsha tirkelgeni málim bolyp otyr. Soǵan qaramastan tártip buzýshylyqqa áli kúnge deıin jol berip kelgen.
