Jas natýralıser stansasynda 50 túp alma aǵashy otyrǵyzylyp, baqqa ánshi Dımash Qudaıbergenovtiń esimi berildi, dep habarlaıdy Qamshy aqparattyq agenttigi 24.kz-ke silteme jasap.
Tálimgerler balalardyń arasynda saýalnama júrgizip, baqqa laıyq ataý izdegen. Nátıjesinde Dımashtyń ónerine tánti jasóspirimder biraýyzdan ánshiniń esimin ataǵan. Jas natýralıser Dımash Aqtóbege kelgende baqqa mindetti túrde at basyn buratynyna senimdi. Ári ánshi óz qolymen egetin bir túp aǵash daıyndap qoıdy. Bolashaqta alma kóshetterinen basqa jemis aǵashtary da egiledi. Jas natýralıser stansasyndaǵy úıirmelerge 700 oqýshy qatysady. Olar janýarlar jáne ósimdikter álemimen tanysyp, ekologıa máselelerin zertteıdi.
