Japonıanyń ońtústik-batysynda ornalasqan Ýsýkı qalasynda polısıa qyzmetkerleri 54 jastaǵy Takashı Iamanýchı esimdi er adamdy tutqyndaǵan. Ol birneshe jyldar boıy qoǵamdyq dárethananyń shatyrynda turyp kelgen eken, dep habarlaıdy Qamshy aqparattyq agenttigi sheteldik BAQ-qa silteme jasap.

Úısiz-kúısiz júrgen erkekti sol aımaqqa tehnıkalyq qyzmet kórsetýge kelgen elektrık baıqap qalyp, polısıaǵa habar bergen.

Iamanýchıge qoǵamdyq orynda ruqsatsyz turdy degen aıyp taǵylýy múmkin. Onyń aıtýynsha, Iamanýchı 10 jyl buryn Gıfý prefektýrasynan ketip qalǵan, sodan beri túrli jerlerdi panalap, kúneltip keledi eken. Al bul qoǵamdyq dárethanaǵa ol úsh jyl buryn kelip qonystanypty.

Polısıa qyzmetkerleriniń málimdeýinshe, shatyrdyń jalpy kólemi 92 kv. metrdi quraıdy eken. Ol jerden tintý barysynda zár toltyrylǵan 300 bótelke, elektr qyzdyrǵysh, gaz plıtasy men basqa da turmysqa qajetti zattar tabylǵan. Sonymen qatar, shatyr óte taza kúıde bolǵandyǵy kórinip tur. Polısıa qyzmetkerleriniń topshylaýynsha, Takashakı bul shatyrǵa qonystanyp, osynda birshama jyldar boıy turyp kelgendigi eshkimge bildirmeý úshin jarty shatyrdaǵy jarty metrlik tesikten kirip-shyǵyp júrgen. Alaıda, ol tesik endi jabyq.

Atalmysh oqıǵadan keıin Ýsýkı qalasyndaǵy bılik ókilderi qaladaǵy qoǵamdyq dárethanalardyń barlyǵyn tekserip shyqty, alaıda basqa jerlerden mundaı turǵyndar tabylmaǵan.

Kedeılik pen joqshylyq adamdardy túrli jerlerde kúneltýge ıtermeleıtin jalǵyz Japonıa elinde ǵana emes. Esterińizge sala ketsek, 2013 jyly Pekın qalasynda jerasty tesiginde 20 jyl boıy turyp kelgen qyz ustalǵan bolatyn.

Aýdarǵan: Nazerke Labıhan