Búgin Aqorda da memleket basshysy N.Á.Nazarbaevtyń qatysýymen tarıhı mereıtoılar tusynda jyl saıynǵy úrdiske aınalǵan áskerı qyzmetkerlerdi marapattaý rásimi bolyp ótti,dep habarlaıdy Qamshy aqparattyq agenttigi.
– Búgingi rásimniń Qazaqstan Qarýly Kúshteriniń 25 jyldyǵy qarsańynda ótýiniń erekshe sımvoldyq máni bar. Bul – el egemendiginiń senimdi kepiline aınalǵan aıbyndy armıamyz úshin mańyzdy tarıhı beles. Onyń áleýeti táýelsizdik jyldarynda áskerı reformalardyń, qarý-jaraq pen tehnıkanyń júıeli jańartylýynyń arqasynda aıtarlyqtaı nyǵaıdy, – dedi Nursultan Nazarbaev.
«Arpalysyp júrip alǵan abyroı – ómirdiń eń shyryn raqaty», - dep dańqty babamyz Baýyrjan Momyshuly aıtqandaı, áskerı qyzmetkerlerdiń jetken jetistigi – joǵarǵy áskerı mektep qalyptasyp, tolyqqandy armıa qurylǵandyǵynyń dáleli.
«Biz qos mereke qarsańynda kóp azamattardy, ásirese áskerı qyzmetkerlerdi marapattap, tıisti shenderin beretinbiz. Bıylǵy kezdesýdiń máni erekshe. Sebebi, táýelsizdigimizdiń 25 jyldyq merekesi, onyń ústinde Qarýly kúshterimizdiń 25 jyldyǵy atalyp ótýde. Osynaý mereıli beleste erekshe erligimen kózge túsken azamattardy marapattaımyn. Sizder osy jyldar ishinde beıbit ómirde de erlikke jol bar ekenin kórsetip kelesizder. Sondyqtan, men sizderdi ár salada istegen isterińiz, qyzmetterińiz úshin, kórsetken erlikterińiz úshin búgin marapattaımyn», - dedi Memleket basshysy Aqordada ótip jatqan saltanatty rásiminde.
Mereıli 25 jyldyqta 25 áskerı qyzmetker nagradtaldy. Atap aıtsaq:
İ dárejeli «Dańq» ordenimen marapattalǵandar: Asylov Berik Noǵaıuly, Aıýbaev Muhtar Ahatuly, Jaqsylyqov Rýslan Fatıhuly, Qarajanov Qurban Sákenuly, Maıkeev Murat Jáleluly.
İİM dárejeli «Dańq» ordenimen marapattalǵandar: Lepeha Igor Vladımırovıch, Ospanov Dáýlet Rysqulbekuly.
İ dárejeli «Aıbyn» ordenimen Bartenov Denıs Valerevıch marapattalsa, İİ dárejeli «Aıbyn» ordenimen Áýesbaev İskendir Nurlanuly, Ǵızzatov Temir Sergouly, Lavrenúk Evgenıı Vlademırovıch, Saparbaev Talǵat Qanybekuly, Ysmaıylov Talǵat Qabdybekuly marapattaldy.
İİİ dárejeli «Aıbyn» ordeni Ahmetýllın Narıman Maǵjanuly, Rahımbekov Mırbek Tashtanbekovıchke tabystalsa, «Erligi úshin» medal Aıtelenov Berik Maratuly, Jıdehanov Nurjan Qosamanuly, Sálkeev AsqatTóqlegenuly, Tájibaev Jasulan Kenjebaıulyna tabystaldy.
«Jaýyngerlik erligi úshin» Ázimbaev Ábjapar Mamyrhanuly, Elýbaev Serik Nurlybekuly, Raıkova Alına Sergeevna, Tergeýbaev Nurjan Temirbekuly, Tólegenov Almas Tólegenuly marapattalsa , «Eren eńbegi úshin» medal Baıdildaeva Gúlparıda Talapbekqyzyna tabystaldy.
Óz kezeginde marapat ıeleri búgingi kórsetilgen qurmettiń maqtanysh ári jaýapkershilik ekenin jetkizdi.
Saltanatty jıynda Elbasy bıylǵy jyldyń 1 shildesinen bastap áskerı qyzmetkerlerdiń jalaqysyn 25 paıyzǵa ósirý týraly sheshim qabyldaǵanyn habarlady.
Qala turǵyndary men qonaqtary Qazaqstan qarýly kúshteriniń zamanaýı qýatyna 7 mamyrda ótkiziletin 5000 áskerı qyzmetker, 300 tehnıka, 80 áýe qorǵanys tehnıkasy qatysysatyn áskerı sherýde kóz jetkize alady. Mereke 7, 9 mamyrda saǵat 22.00 de Esil ózeniniń jaǵalaýynda otshashýmen qorytyndylanady
Aqordadan Dana Myrzaqadir
