(Foto: Kazinform)
QR Ulttyq qaýipsizdik qyzmeti tóraǵasynyń birinshi orynbasary Samat Ábishke «ulttyq qaýipsizdiktiń general-leıtenanty» arnaıy shenin prezıdent óz qolymen tapsyrdy dep habarlaıdy Qamshy aqparattyq agenttigi.
Aqordada memleket basshysy ári Qazaqstan Qarýly kúshteriniń bas qolbasshysy Nazarbaevtyń qatysýymen búgin tarıhı mereıtoılar tusynda jyl saıynǵy úrdiske aınalǵan áskerı qyzmetkerlerdi marapattaý rásimi bolyp ótkeni týraly habarlaǵan edik.
2015 jyly jeltoqsannyń aıaǵynda Elbasy Jarlyǵymen Samat Satybaldyuly Ábish Qazaqstan Respýblıkasy UQK tóraǵasynyń birinshi orynbasary bolyp taǵaıyndalǵan bolatyn.
Samat Satybaldyuly Ábish 1978 jyly 20 tamyzda Almaty oblysynda týǵan. Qazaq.
Ákesi - Nazarbaev Satybaldy Ábishuly. Anasy - Nazarbaeva Svetlana Myrzahmetqyzy, «Dáýir» baspasynyń jetekshisi.
QR UQK akademıasyn (2000); RF SBQ akademıasyn (2002) bitirgen.
Qazaq, orys jáne nemis tilderin biledi.
2000 jyldan - QR UQK organdarynda qyzmet atqarǵan. 2006 jyldyń maýsym aıynan - QR Ádilet mınıstrligi Qylmystyq-úderistik jáne qylmystyq-atqarý zańnamasy basqarmasynyń qylmystyq-atqarý zańnamasy bóliminiń bastyǵy, 2006 jyldyń qyrkúıek aıynan - QR Ádilet mınıstrligi Tirkeý qyzmeti komıteti tóraǵasynyń orynbasary, 2007 jyldan – tóraǵasy, 2008 jyldyń qazan aıynan - QR Ádilet mınıstrliginiń jaýapty hatshysy, 2010 jyldan beri - QR Ulttyq qaýipsizdik komıteti Ortalyq apparaty Mamandar departamentiniń bastyǵy, 2011 jyldyń qarashasynan Astana qalasy boıynsha UQK departamentiniń bastyǵy, 2013 jyldyń naýryzynan bastap UQK tóraǵasynyń orynbasary laýazymdaryn atqarǵan.
«Eren eńbegi úshin» (2007), «Astananyń 10 jyldyǵy» (2008) medaldarymen marapattalǵan.
Aıta keter bolsaq, Samat Ábishtiń baýyry Qaırat Satybaldy Ulttyq qaýipsizdiktiń general-maıory áskerı shenin alǵan. General-maıor, general-leıtnant, general-polkovnık satyly joǵary ofıserlik shen bolyp tabylady.
