10 mamyr kúni Aqtóbe oblysynynda óz balasyn 60 myń teńgege satqan 33 jastaǵy Janna Aqalasovaǵa sot úkim shyǵardy, dep habarlaıdy Qamshy aqparattyq agenttigi informburo.kz-ke silteme jasap.

Sot sheshimi boıynsha aıyptalýshynyń múlkin tárkilep,  7 jylǵa bas bostandyǵynan aıyrý jazasy taǵaıyndaldy.

J.Aqalasovamen birge bala satý isine qatysy bar  Danagúl Óteshova da 7 jylǵa bas bostandyǵynan aıyrý jazasy taǵaıyndalǵan bolatyn. Alaıda aıyptalýshynyń balalarynyń jasyn eskere kele 5 jylǵa temir torda otyrý jaıynda sheshim qabyldandy.

Sábıdi satyp almaq bolǵan 56 jastaǵy Dına Dosaqovaǵa shartty túrde 7 jyl berilip otyr. İs aıaqtalǵansha óziniń meken-jaıyn ózgertpeýge sot sheshim qabyldady.

Esterińizge sala ketsek, Janna Aqalasova «Kámeletke tolmaǵandar saýdasy» baby boıynsha aıyptalǵany jaıly habarlanǵan bolatyn . İs materıaldaryna súıensek, 32 jastaǵy Janna Aqalasova buryn turmys qurmaǵan. Eki balasy bar. Birinshisin 2009 jyly dúnıege ákelgen. Ony sábıler úıine tapsyrǵan. Al ekinshi ulyn 2017 jyldyń 16 qańtary kúni bosandy. Perzenthanada jatqan kezde ol Dına Dosaqovadan hat alyp turǵan. Ol perzenthanadan 18 qańtar kúni shyǵyp, sol jerge kelip turǵan Dına Dosaqovaǵa balany ustatady. Keshkilik Aqalasovaǵa baladan bas tartý týraly qolhat jazyp berip, 60 myń teńge kóleminde aqsha alǵan bolatyn. 

Sholýshy: Aıgerim Taýbaı