Almaty oblysynda bir otbasy bir sátte úsh balasynan aıyryldy, dep habarlaıdy Qamshy aqparattyq agenttigi informburo.kz-ke silteme jasap. 

Keleńsiz  jaǵdaı Almaty oblysy Raıymbek aýdanynyń bir aýylynda oryn alǵan.  Sýarmaly aryqqa 2012,2014 jáne 2015 jylǵy jas búldirshinder aǵyp ketken.

«Balalary oınap jatqan kezde ákesi aımaqty aralap qaıtpaq bolady. Al anasy túski as ázirlep jatqan. Balalar úı janynda 300 metr jerde oınap júrgen.  Balalar baıqaýsyzda aryqqa qulap ketken» dep málimdedi  Tótenshe jaǵdaılar basqarmasy departamentiniń qyzmetkerleri.

Dál sol kúni Eskeldi aýdanynda Terekti ózenine  belgisiz sebeptermen 2004 jylǵy eki qyz sýǵa aǵyp ketkeni jaıly  habar taraǵan bolatyn.

8 mamyr kúni A. esimdi azamatsha óziniń 2004 jáne 2006 jylǵy qyzdarymen jáne kórshi úıdiń 2004 jylǵy qyzymen sańyraýqulaq jınaýǵa shyǵady. Keshkisin óziniń úlken qyzymen úıine qaıtyp ketedi. Al eki qyz sol jerde qalyp qoıady. Biraz ýaqyt ótken soń taýdaǵy qyzdardyń úıge oralmaǵanyn baıqaıdy.  Túni boıy izdeý esh nátıje bermeıdi. Tańerteń 9 mamyr kúni eki qyzdyń máıiti Terekti ózeninen tabylady.

Qutqarýshylardyń málimdeýinshe, jazataıym jaǵdaı ata-analardyń durys baqylaý júrgizbegeninen deıdi.  Eń qarapaıym qaýipsizdik erejeleriniń saqtalmaýyn da tilge tıek etken bolatyn.

Sholýshy: Aıgerim Taýbaı