AQSH-taǵy kongreste Amerıkalyq sarapshylar NATO-nyń Eýropadaǵy ásker jasaqtaýyn kúsheıtý maqsatynda qosymsha qarjylandyrý usynysyn jasady dep habarlaıdy Qamshy aqparattyq agenttigi Life.ru-ǵa silteme jasap.
Kongreste AQSH qarýly kúshteri komıteti ókilderi men ataqty REND zertteý ortalyǵynyń aıasynda ótken tyńdalymda Baltyq jaǵalaýy elderine «Reseıden tónetin qaýip-qaterler» mazmunyndaǵy usynystar tústi.
Sarapshylar qazirgi Reseı men Soltústik atlantıkalyq alánstyń arasyndaǵy soǵys qýatymen, tehnologıalyq jabdyqtaý alshaqtady deıdi.
Batysqa strategıalyq baǵyt alýynyń ózi, olardyń jan-jaqty jumyldyrylyp jasaqtalǵandyǵy ári Reseı bul baǵytta úlken múmkindikterge ıe dep topshylaıdy sarapshylar. Sonymen birge, tankke qarsy soǵys júrgizý ádisteri Baltyq jaǵalaýy elderinikinen asyp túsedi. Jáne olardyń elektrondy soǵys júrgizý tásilderi 60 saǵat ishinde búkil Baltyq jaǵalaýyndaǵy astanalardy qorshap, oqshaýlap alýǵa qaýqarly.
REND mamandary NATO-nyń reseı qarýly kúshterimen qandaıda bir qaqtyǵys saldarynda , soǵys kúshiniń múmkindikterin arttyrý úshin Baltyq jaǵalaýyndaǵy Amerıkalyq jáne jalpy NATO-nyń áskerı jasaqtalýyn kúsheıtý sharalaryn qabyldaýdy jedeldetýge keńes beredi. Negizgi kúsheıtý sharalaryna Alánsty tehnıkalyq qaıta qarýlandyrý kiredi.
Olarǵa:
Birinshiden, shabýyldyń betin qaıtaratyn antıradarlyq keshendi kúsheıtý.
Ekinshiden, amerıkalyq áskerılerdiń áýe máselesindegi jetkiliksizdikterdi tolyqtyrý . Sonymen qatar, qozǵalystaǵy antızymyrandyq qorǵanys salasyn arttyrý sharalaryn júrgizý .
Úshinshiden Amerıka qarýly kúshterimen onyń odaqtastary NATO/M1/M2-lerdiń negizgi bronettransporterlik qorǵanysyn kúsheıtý, jáne qarýlanýdy jańǵyrtý men «Hellfaır» , «Djaveılın» sıaqty raketalardyń zamanaýı tankke qarsy sońǵy dınamıkalyq qorǵanystyń modıfıkasıalaryn ornatý kiredi.
Osyǵan baılanysty, Pýtındy buǵan nandyrý úshin tek Eýropalyq Shyǵys qorǵanysty kúsheıtýdi qoldap, odan ári jumys jasaýǵa shaqyrady. AQSH Baltyq jaǵalaýyna qarýly kúshter tobyn ornalastyrýy shart deıdi REND uıymynyń sarapshylary.
Túptep kelgende, qasymyzdaǵy alpaýyt el Reseıdiń batys baǵytta kúsheıýi búkil Eýropamen AQSH-tyń birikken kúshteri NATO-nyń alańdaýshylyǵyn týǵyzyp otyr. Buǵan sebep Qyrymnyń aneksıalanǵanymen Reseı qarýly kúshteriniń Bashar Asadty qoldap, Sırıaǵa kirýi bolýy múmkin. Bastapqyda kóptegen sarapshylardyń Pýtınniń bylaı táýekelge barýyn qatelikke balaǵanymen, NATO-nyń alańdaýshylyǵy bosqa emes. Demek, Pýtınniń kózdegenide osy bolýy ǵajap emes. Baltyq jaǵalaýyndaǵy elderdiń qaýipi artqandyǵy sonsha NATO-dan kómek suraýǵa májbúr. Bul tipti Eýropa elderinińde qorǵanys salasyna basa nazar aýdarýyna sebep bolyp otyr. Qazirgi áskerı tehnologıanyń damý saldary kez-kelgen derjava qoqań-loqqy kórsetý arqyly qorǵanýǵa májbúr.
Sholýshy: Arafat Derbesuly
