Kóshe sypyrýshy qoqys salynǵan qaptardy qoqys qubyrynan alyp jınap  jatqanda qaptardyń biri qımyldaǵan sekildi kóringen. Kózine elestemegenin anyq baıqaǵan  ol sol qaptyń aýzyn ashqanda qandaı soraqy kórinistiń kýási boldy dep habarlaıdy Qamshy aqparattyq agenttigi.

Ol munshalyqty qorlanǵan ıtti ómirinde birinshi ret kórgenin jasyrmady. Oqıǵa ornyna jetken qutqarýshylar ıttiń jaǵdaıyn kórgende tań qalǵandaryn aıtady.  Itti qarap shyqqan veterınar  ony qınamaı óltirgen durys  dep oılaǵan, alaıda pıtbýldiń aıanyshty kózqarasy onyń sheshimin ózgertken.  Qutqarýshylar ıtti Patrık dep atap, azyp-tozǵan janýardy kúre tamyry arqyly tamaqtandyrǵan. Jaǵdaıyn qalpyna keltirý úshin qutqarýshylar toby baryn salǵan. Alaıda, qıyndyq keltirgeni- áý basta ıttiń asqazany tamaqty qabyldaı almaǵan.  Tamaqty ıttiń aǵzasyna tamyr arqyly quıǵan. Sýyqtan dirildep, qatty tońǵan ıttiń terisine jaralar qaptap ketken edi.

Ittiń tek denesi emes, psıhıkasy da zardap shekken. Qatty azap tartqany ıttiń ózin-ózi ustaýynan kórindi. Máselen, kúni boıy tek jata berip, dalaǵa shyqsa óz qajetin ótep, buryshqa tyǵylyp qalady eken.

Búginde ıttiń jańa ıesi bar. Ol- Patrısıa Skavellı. Patrıkke jańa úı syılap, ony ómirge qaıta qulshynysyn oıatty desek qateleskenimiz emes.

Ýaqyt óte kele osy oqıǵadan keıin Patrık tanymal bolyp ketken. It ornalasqan baspanaǵa  jer-jerden oıynshyqtar men syılyqtar, gúlder jiberilip barynsha kómek kórsetilgen.

Osy aralyqta qorlanǵan ıttiń buryńǵy ıesi de tabylǵan. Ol 28 jastaǵy Kıshe Kýrtıs esimdi azamatsha.

Ol óziniń istegen qylmysy úshin sot aldynda jýap beredi Alaıda, ol ıtti qoqys qubyryna tastamaǵanyn,tek baspaldaqqa baılap ketkenin aıtqan. Bireý-mireý kórip alyp ketedi dep oılapty-mys. Alaıda saraptama ıttiń qatty qorlyq pen ashtyq kórgenin dáleldegen.

Degenmen, búginde Patrık buryńǵy ıesinen kórgen qorlyqty umytqan syńaıly.

Daıyndaǵan: Nazerke MUSA