Reseılik «Novaıa gazeta» basylymynyń habarlaýynsha, Reseı prezıdenti baspasóz hatshysy Dmıtrıı Peskov aptalyq baspasóz konferensıasynda Saýd Arabıasyn qatań synnyń astyna aldy. Olar Saýd Arabıasyn terorızmdi taratyp, astań-kesteńi shyqqan Sırıa elinde Al-Kaıda uıymynyń baskeserlerin qoldap otyr dep aıyptady, dep habarlaıdy Qamshy aqparattyq agenttigi sheteldik BAQ-qa silteme jasap.

«Saýd Arabıasynyń basshylary bılikke jarmasyp, basqa kórshiles memleketterdiń turaqtylyǵy men ál-aýqatyn joıý arqyly olar ózderiniń qarabaıyr aıýandyq jáne qatygez saıası júıesiniń ydyraýyn boldyrmaımyz dep úmittenedi», - deıdi jergilikti BAQ ókilderi Reseı sheneýniginiń sózine qatysty.

Budan buryn Pýtın Reseı eli Sırıada tynyshtyq ornatý jolynda Saýd Arabıasynyń kedergi keltirýine beı-jaı qaraı almaıtyndyǵyn aıtqan bolatyn.

«Sırıany ózderiniń zulymdyq oshaǵyna aınaldyrǵan Saýd Arabıalyqtardy Reseı túgin qaldyrmaı talqandaıdy. Bes jyldyq azamat soǵysyn beıbit jolmen sheshemiz degenge senetin sırıalyq partıalar bir ústel basynda jınalyp, Saýd Arabıalyqtardyń destrýktıvti rólin áshkereleýi qajet», - dep málimdedi Reseı prezıdenti Vladımır Pýtın.

Sonymen qatar, eger olar Taıaý Shyǵystaǵy radıkaldy terrorısterge kómek kórsetýlerin qoımasa, Reseı Saýd Arabıasyn talqandap, arabtardyń shatyrda ómir súrgen kezeńindegi tas ǵasyryna aınaldyratyndyǵyn qosa aıtyp ketti. 

Aýdarǵan: Nazerke Labıhan