Dáýren Abaev Jeńis kúninde taǵylatyn qońyr jáne kók tústi lentalar jaıly óz oıyn aıtty, dep habarlaıdy Qamshy aqparattyq agenttigi.

Aqparat jáne komýnıkasıa mınıstri "Qazaqstannyń táýelsizdigin eskere kele kók tústi lenta zamanaýı turǵyndarǵa  kóbirek saı keledi. Biraq árkim  qandaı tústi lenta taǵatynyn ózi sheshedi.  Jeńis kúni memleket azamattarynyń 99%-ynyń esinde. Bastysy, biz bul merekeni esimizden shyǵarmaı jyl saıyn toılaýdamyz" dep málimdegen bolatyn  Habar arnasyndaǵy  «Ashyq dıalog»  jobasynda .  Elbasynyń jyl saıyn Máńgilik alaýǵa baryp gúl shoqtaryn qoıýmen qatar, ardagerlerdi quttyqtaıtynyn da tilge tıek etti. 

  «Máńgilik polk» jobasynyń  tıimdi tustaryn da saralaı ótti. «Máńgilik polk»  jobasyn men qoldaımyn, sebebi bul  maıdan shebinde qaza bolǵan ata-babalarymyzǵa, Uly Otan soǵysy kezinde elge eren eńbegi sińgen soǵys jaýyngerlerine arnalǵan marsh. Bastysy eshkimniń eshqashan umtylmaıtyny» dep aıtqan bolatyn Dáýren Abaev.

«Lentanyń kók nemes qońyr tústi bolýy mańyzdy emes. Zamanaýı Qazaqstannyń azamaty kók tústi lentany tańdaıdy dep oılaımyn, sebebi Táýelsizdikpen kók tústiń úlken baılanysty bar. Al adamdardyń lenta taǵýy eshteńeniń umyt bolmaǵanyn kórsetedi» dep málimdedi mınıstr.

 «Jeńistiń belgisi retinde Georgıı lentasy  2000 jyldardan bastap tarala bastady.  Sondyqtan bul taqyrypty saıasılandyrýdyń esh qajeti joq.  Bastysy erlik kórsetken atalarymyzǵa degen qurmet pen  jeńisti kúnge jetkizgen maıdangerler aldyndaǵy qaryzymyzdy umytpaýymyz kerek» dep málimdedi mınıstr. 

Sholýshy: Aıgerim Taýbaı