Almatyda № 63 baǵytynda júretin avtobýs soǵysqan Mercedes-Benz G-klass tizgininde Almaty prokýratýrasynyń qyzmetkeri bolǵan dep habarlaıdy Tengrinews.kz.
"Shynymen de Mercedes-Benz G-klass tizgininde Almaty prokýratýrasynyń qyzmetkerleriniń biri bolǵan, ol 2017 jyldyń 2 mamyrynan bastap eńbek demalysynda júrgen", - dedi Almaty prokýratýrasyndaǵylar.
Qazirgi ýaqytta Almaty prokýratýrasynyń ishki qaýipsizdik qyzmeti qyzmettik tekseristi bastap ketti. Sonymen qatar, jol-kólik oqıǵasynan zardap shekken eki jasar qyz, qalalyq quzyrly organnyń málimetinshe, jol talǵamaıtyn kóliktiń salonynda bolǵan. Onyń jaǵdaıyn dárigerler aýyr dep baǵalaǵan, ol keýde tusynan jaraqat alyp, bassúıek mıy zaqymdalǵan.
Almaty prokýratýrasynyń málimetinshe, 11 mamyrda Mercedes kóligi Raıymbek dańǵylymen shyǵys baǵytta kele jatyp, Potemkın kóshesimen (Tilendıev kóshesine jaqyn mańda) qıylysatyn jerde ońǵa manevr jasaý kezinde № 63 baǵytynda júretin Yutong markaly avtobýsqa soǵysqan. Qoǵamdyq kólik te shyǵys baǵytqa arnaıy avtobýstarǵa arnalǵan jolaqpen ketip bara jatqan. Jol-kólik oqıǵasynyń saldarynan qoǵamdyq kóliktiń 17 jolaýshysy jáne Mercedes avtomobıliniń ishinde otyrǵan sábı ártúrli jaraqat alǵan. Zardap shekkenderdiń barlyǵy qalalyq aýrahanalarǵa jetkizildi.
Jol apaty deregine qatysty QR Qylmystyq kodeksiniń 345-baby ("Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy") boıynsha júrgizilip jatyr.
Eske salaıyq, búgin jol-kólik oqıǵasy Raıymbek dańǵylynyń boıynda Tilendıev kóshesimen qıylysqan tusta boldy. Kóptegen kýágerlerdiń aıtýynsha, № 63 baǵytynda júretin qoǵamdyq kóliktiń júrgizýshisi shyǵys baǵytta avtobýstarǵa arnalǵan arnaıy jolaqpen kele jatqan. Osy baǵytta kele jatqan Mercedes-Benz G-klass Tilendıev kóshesine jetpeı Potemkın kóshesine ótý úshin dereý burylǵan. Soǵysý saldarynan Mercedes-Benz G-klass 20 metrge ushyp ketken, al jolaýshylar avtobýsy baǵanǵa soǵysqan. Aldyn ala málimetter boıynsha, jol apatynyń saldarynan 15 adam zardap shekken, onyń ishinde avtobýstyń da, jeńil kóliktiń de júrgizýshisi bar. Barlyǵy aýrýhanaǵa jetkizilgen.
