Aljırlik 3 jasar sábı Abdýr Rahman Farahtyń tili Quran tilinde shyqqan. Anasynyń aıtýynsha, eki jasqa deıin bir aýyz sóz aıta almaǵan ol ǵaıyptan “Káhf” súresin esh qıyndyqsyz aıta jónelgen eken, dep habarlaıdy Qamshy aqparattyq agenttigi mazhab.kz basylymyna silteme jasap.
Ol sonymen qatar, jergilikti “Ál-Afasıı” arnasyn kórip otyryp, Quran súrelerin jattaı bastaǵan. Keı súrelerdi anasy namaz oqyǵan kezde jadyna túıgen. Balaǵa aıaǵy aýyr kezinde únemi Quran oqyp, juma saıyn “Káhf” súresin, kún saıyn “ál-Mýlk” súrelerin úzbeı oqyǵan baqytty ana sábıiniń túngi duǵalardy estimeı uıqtamaǵanyn jetkizedi.
AbdýrRahman osy kezdiń ózinde tádjýıdtiń shartyna saı, Qurandy sózbe-sóz oqıdy. Al ákesi bolsa balaǵa bes jasqa deıin Qurandy tolyq meńgerýdiń baǵdarlamasyn jasap shyǵypty. 3 jasar ulynyń qarym-qabiletin baıqaǵan áke qazirgi ýaqytta Qurandy durys oqytýdy moıyndaryna alatyn medreselerdiń birine balany tabystaýdy oılap júr.
